Lúka 6:7 - Fayam Midhab Yiesu Kiristoká He Hol Af Iđiny Kaanaká

⁷ Aalé gál nyatalaamká ubaa gál Farisaay giri hé mú hem ki sisidhoká hol gaa ˈgeˈgedheká mú ˈdeey, mu har Kúlích Hef ˈGisanéél máádhat gaa biisuoka.

Lúka 6:7 ပူးပေါင်းရင်းမြစ်များ

Matááyo 5:39

Tá yú íín hí geeye, máádhat ko hé ˈdeewká ki ekeyka, ha hala káany. Máádhat he ko nét ˈdaa naaniet gaa ˈdoyka, nétatí úba ki kog.

Márko 3:2

Gáál mé tikiˈd gál Yíésu hem gaa sisidhoká fedo mare úba ál kinaal gaa ije. Gaal aalé Yíésu ˈdeey, mu har Kúlích Hef ˈGisanká máá gíl ˈdeew kinaal gaa biisuoka.

Lúka 13:14

ˈDaa giri Yíésu hí Kúlích Hef ˈGisanká min gaa bisieká, in ˈbíl ˈdiiyiminy kinaal máállé hí mé ki yielká idhane, gál ál kinaal ijeká geey, kieye, Ram le gálaat hí hujich gaa nannaa. Rám le kinaallá gáá yiimedhíe, gaalí gaa biibisuo, tá hé Kúlích Hef ˈGisanká muuniny, gáál yie.

Lúka 20:20

Aalé gaal Yíésu ˈdeey, mú gáál ki koy. Gál gaalí mú ki koy kinaal hol gál hé konf ka ˈguo mánká hol hoy, giri gaal mú ˈdéé af ki raraat-, mú máá mangis ál kinaal mé ki yielká gíl geer gaa kakawká.

Yuána 9:16

Gál Farisaay ˈbáál kieye, Máállá ˈdaa giri Kúlích Hef ˈGisanká nyátálle ma ki yaalinyká, hé gon Waag ma gáá yímen, yie. Gáál ˈbaal hí kieye, Mu har máá ađááb ˈguoká kátaka, mu háteeye hé gálaat af ˈdaˈdabsúóllá ekemeye? yie. Gaal đo hol af ká điidhe, eiy ˈgite.