Lúka 6:47 - Fayam Midhab Yiesu Kiristoká He Hol Af Iđiny Kaanaká

⁴⁷ Máá ye ˈdu gáá yimet-, ˈdeenychú maalo-, tá ˈdeenychú el gaa igiroká yú hí ká geeye,

Lúka 6:47 ပူးပေါင်းရင်းမြစ်များ

Matááyo 12:50

Máá ˈJaa chia úr ijoká hát fedoká ekemeyoká in nyárchú, in nyaarchú, in ˈjiechú, mú yie.

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Lúka 11:28

Aalé Yíésu kieye, Máá ˈdeeny Waaˈgiet maalo-, tá ˈdéé el gaa veeroká, máá kinaallá ííni súm Waag hí buanne, yie.

Lúka 14:26

Máádhat ye ˈdu gáá yimet-, kor íín ˈjaalle, ˈjielle, minle, umle, nyaaramlé yaabká ubaa ˈdietká, tá sídhle dhúrle biiy met kuo-, yú ye biiy el kí maduoká, máá kinaallá hé máá lalichú ma yegen.

Lúka 6:48

máá kinaallá hát máá ˈbíl ˈdiˈdisat-, tiirt waar ˈgayyoká ebite-, les ˈgodhe-, hilo les ki kikisie-, hele ká fameka, ˈbíl hele hí ma muotisinyká. Hééllá he ˈdaa giri ˈbíl muí hát ˈdabaanká ˈdisseká.

Lúka 8:13

Ár giri ál waaroká ki okoˈdeká hélle he hát gál ˈdeeny Waaˈgiet maalo-, ˈdéé hát geer gaa meentiká iiy yeget-, kor hidh les ma ki arînyká. Gál kinaallá he gál ˈdéé iiy yie-, kor á níínni yíéđieka, Sátan hí ki ekeseteka, ˈdéé gíl sug ki haađuoká.

Lúka 8:8

Ár giri muí ál maal hí midhabká gaa fieká ká ˈdie, ˈdale, đuoram hí kúˈd yie, Yíésu hí yie. Aalé mu gáál hibéél geeyká mu af úr ki eey, kieye, Máá nee ˈguoká hí hééllá maalo, muí gáál yie.

Yuána 10:27

Walachú hé afchú maalo, hé yáálle hí óg, ye igiro.

Yuána 13:17

Aalé hééllá hí óíyta-, hí ekemeychoka, Waag haí ˈdú ˈgunnuanna.

Yuána 14:15

Har hí ye gielnítaka, hé yú hí kí mureká el haí gaa verenne.

Yuána 5:40

He veerít har úba ˈduuwchú hogotoka, it hí ye ˈdu gáá chiimeto-, hí luolmit biiyoká aargiˈdoká ma fediny.

Yuána 6:35

Yíésu kieye, ˈGuom luolmitiká he yú. Máá ye ˈdú gáá yimetká hé gon geer hí ma gaa bolominy. Máá ye iiy yeetká hé geđi báre hí ma chegesiny.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 8:52

ˈDéé umutéél tákáma muí hodhe, gál Yuuˈdi đo kieye, Hát aryáán ˈgayyoká káána gon nyáá nyí kimisate. Abirááyam hé guraam hí guure, gál Waag hí ˈdeem ká shigicheká úba hé guraam hí guure. Tá háteeye kúún geđi kieye, Máá ˈdeenychú ki yaalká taalle bííyyo hé kúfach il hí ma aargiriny, chegedhe?

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Yákob 4:17

Aaléka, máá hé ˈdabaanká ekemeyoká óg-, kor he ma ekemenyká, máá kinaallá ađáábo he ˈgaa.

Bétiro Erká 2:4

Aaléka, taalle hí Kirísto halúg wár luolmiti-, gálaat hí điidhe-, kor íín Waag hí galayche-, Waag ki ˈdúúwáállá hí enniannoka,

Bétiro ki Naamaká 1:10

Aaléka, nyaaramchú, laađamíe, hát ˈdabaanká yíéđía, hát itín Waag hí ká viiyye-, hí waarate-, hí gálle hosoteká kiimitíe, gálaat hí argo. Yaalmisano hatallóóllá hí ˈgayyoka, it ma riiteen, les ma ˈdaraminy.

Yuána Erká 2:29

ˈDaa giri mu íín hát ˈdúwaká hí ógká, itín úba gál hé ˈdúwaká ekemeyoká lulle hát ˈdalmaat mú yé gáá ˈdiiyyeká ˈdalidheká it óg.

Yuána Erká 3:7

Umééllo, ha máádhat hí bađisîny. Hát Kirísto íín ˈdúwáállá, máá hé ˈdúwaká ekemeyoká úba hé ˈdúwa.

Kí Edhesiny 22:14

Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.