Lúka 6:27 - Fayam Midhab Yiesu Kiristoká He Hol Af Iđiny Kaanaká

²⁷ Aalé Yíésu geđi gáál geey, kieye, It ye af nee kokoyyóóllá yú hí geeye, gál hí hol ka kídhká geelnée, gál hí nebedheká hé midhabká ki eekemeyyíe.

Lúka 6:27 ပူးပေါင်းရင်းမြစ်များ

Márko 4:24

Aalé mu geđi gáál geey, kieye, Hé hí maallééllá hát ˈdabaanká nee kóo. Hé hí he ki ekemeycho-, hí gálaat he ki fafiyyoká, in úba Waag hí he kí fafiyya, hé kinaallá hé eiy úba haí ˈdú aargiˈda.

Lúka 23:34

Aalé Yíésu kieye, Baabá, ˈdaa giri hé gaalí ekemeyóóllá gaalí muogká, gáál ˈdú ˈjé, yie. Aalé yuoy hol koiy ki ˈdoyye, giri mú đafaraamle eiy shugunatoká.

Lúka 6:22

ˈDaa chia yáálle Iny Máádhátallá ˈdugaka gaalí ˈdú nebedhe-, gaalí moonodhe-, gaalí chaachare-, tá gaal meetkícho ˈdeeneyka, Waag hé hí ˈdú ˈjeˈjeenno.

Lúka 6:35

Aalé kídhkícho geelnée, hé midhabká ki eekemeyyíe. Gálaat he shía. Hé hí gálaat shiichoká héllé gaalí el ká ˈgiˈgidhuoká haí táb ˈdoˈdóon. Hééllá hí ekemeychoka, itín hé súm midhabká haí aargiˈda, um Waag Úr Iđoká haí cheedhe, ˈdaa giri Waag gál he fiichiloká ubaa gál ađaabano ˈguoká geer hí sháw ˈdú yegetká.

Lúka 8:15

Ár giri máá les fafuoká hí ál máálká gaa fieká hélle he hát gál ˈdeeny Waaˈgiet maaleka, ˈdéé ger ˈdúwa-, midhabká hát ˈdabaanká ki chiirat-, hol tatuo-, ˈdeeny Waaˈgiet ki higirawká, Yíésu hí lalille yie.

Lúka 8:18

ˈDeeny Waaˈgiet hí mamalloká hát ˈdabaanká nee kookóo, chiˈdíe. Máá hé gaalí gíl geer gaa kaayká tág chiratká, hé éíy taaka úba ha gaalí shigia. Tá máá hé gaalí gíl geer gaa kaay-, hélle ka dhaˈgame-, kor he tág ma chiranká héllé kinaal úba ha gaalí gaa egedhdhe, yie.

Lúka 8:8

Ár giri muí ál maal hí midhabká gaa fieká ká ˈdie, ˈdale, đuoram hí kúˈd yie, Yíésu hí yie. Aalé mu gáál hibéél geeyká mu af úr ki eey, kieye, Máá nee ˈguoká hí hééllá maalo, muí gáál yie.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 16:28

Aalé Báulo af gaa guđoká ˈdéé ki hodhe, mú geey, kieye, Ha hol chíésiny, nyíín lulkínyo nyí hállia, mú yie.

He Ekeny Gál Alb Fimiká 7:60

Aalé mu le ˈdoy, kurram le veere, af úr ki eey, kieye, Máá Guđo, nyúógíchallá ha gáál luut káany, yie, đo mán yie.

Galátia 6:10

Aaléka, har taalle ki hát ˈguoka, gálaat lulle kí hé midhabká ki eekemeyo, tá súm nyaaram kúnnaa Kiristoká kí ˈdú ˈjeeˈjeen.

Dhesaloníke Erká 5:15

Máádhat hai hé ˈdeewká héllé ˈdeewká akaˈd madîny, tá aadh lulle hé midhabká hol ki eekemeyyíe, gálaat lulle hé midhabká úba ki eekemeyyíe.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.