Lúka 6:21 - Fayam Midhab Yiesu Kiristoká He Hol Af Iđiny Kaanaká

²¹ It káána kuoˈd hí chiesallá it Waag hí ˈdú ˈjeˈjeenno, bár ˈdaatika haí heyeenne. It káána imiro ˈjiibichóóllá it Waag hí ˈdú ˈjeˈjeenno, bár ˈdaatika haí kosolonno.

Lúka 6:21 ပူးပေါင်းရင်းမြစ်များ

Matááyo 5:4

Gál buony gaa ijoká hé Waag hí ˈdú ˈjeˈjeenno, Waag hí imiro gaa shugudmicho.

Matááyo 5:6

Gál hát Waag hí feˈdoká kuoˈdle ubaa barmle hí yegeská hé Waag hí ˈdú ˈjeˈjeenno, Waag hí fafaˈgsicho.

Lúka 1:53

Mu hé gál kuoˈd ˈguoká hát ˈdabaanká heyisie. Mu hé gál kaamúreká gil búrká ki galie.

Lúka 6:20

Yíésu lalille ki fuˈjie, kieye, It hí hát lulle mánnallá Waag hé hí ˈdú ˈjeˈjeenno, itín he gál Guch Waaˈgiet léká.

Lúka 6:22

ˈDaa chia yáálle Iny Máádhátallá ˈdugaka gaalí ˈdú nebedhe-, gaalí moonodhe-, gaalí chaachare-, tá gaal meetkícho ˈdeeneyka, Waag hé hí ˈdú ˈjeˈjeenno.

Lúka 6:25

It heyiyyééllá onnóo! Itín gillé kuoˈd hí cheese. It káána kosolonnóóllá onnóo! Itín gil kíchia hí beenne, hí hol ger gaa tuunna.

Yuána 11:35

Yíésu đo imiro hí gáá okoˈde.

Yuána 4:10

Yíésu min ˈdéé hol ˈdú nie, kieye, Kuun har hé shiicho Waag hí gálaat shigichoká ubaa máá ko geđuo-, ye bie shíish yíéllá onnônyka, kó onnônyka mú heesete, mu ko bíé gálaat luolmít shiguoká shie, Yíésu hí yie.

Yuána 6:35

Yíésu kieye, ˈGuom luolmitiká he yú. Máá ye ˈdú gáá yimetká hé gon geer hí ma gaa bolominy. Máá ye iiy yeetká hé geđi báre hí ma chegesiny.

Korínto Erká 4:11

ˈJíig káána ke gaa ijóóllá nyiin nyí gál ger hí gaa boloonká, nyiin nyí gál báre hí chegeská, nyiin nyí gál sharim higisatká, nyiin nyí gál ˈguliet, nyiin nyí gál el met mánká,

Korínto ki Naamaká 11:27

Yáá laađame, hol hujich ki yies, ram ˈdaˈdabe. Yáá mar ubaa báre ye chegies, yú af burnayká af higite, ˈdéeny gaa rafame, đafaraam ˈdúwaká mannay.

Korínto ki Naamaká 12:10

Aaléka, he lullé ˈdaa Kiristoka il hí ye argiyyeká, hát káána đalím, chaarim gaalí ye chacharoká, hé ye ki ˈgierˈgereká, manyjasiny, tá gon bólo, lúl iiy ha yú yeedhe. Yú af giri đalitká in fargogo.

Korínto ki Naamaká 6:10

Har úba nyí ger ˈdéént ki iđoka, Waag aadh lulle hé nyí ger gaa memesicho. Har káána úba nyí he manítaka, nyáá nyí gál burnayká kamur ˈdaalimo-, Waaˈgietká shigicho. Nyiin he gál hé níínní ˈguo mánká, kor nyáá nyí he lullé nyí ˈgayya.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Kí Edhesiny 21:3

Aalé yú ˈdéé hót af ˈdér-, kara giri guchiká álle yé gáá ˈdiiyyeká maale, ˈdéé hót kieye, Bá dhaayyíe, Waag égetle hé gálaat hol ˈgar liledhe. Waag gálaat afo hol yíéđima, gaal bííyyo Waag gálle hai yeedhe, tá Waag íín dhúrle gáál hurt hai iđa, gáál Waagle hai cheedhe.

Kí Edhesiny 7:16

Gaal hé geđ ger hí ma gaa bolominy, hé geđ báre hí ma chiesiny, hé geđ aadh hí ma chiesiny, héétí hé geđ kulkul hí ma yiesiny.