Lúka 6:20 - Fayam Midhab Yiesu Kiristoká He Hol Af Iđiny Kaanaká

²⁰ Yíésu lalille ki fuˈjie, kieye, It hí hát lulle mánnallá Waag hé hí ˈdú ˈjeˈjeenno, itín he gál Guch Waaˈgiet léká.

Lúka 6:20 ပူးပေါင်းရင်းမြစ်များ

Matááyo 11:5

Hát gál in maamanká in kaadhdhe-, gál ˈgas maamanká hol gaa seeseme-, gál nyókot ˈgieká fayandhe-, gál nee maamannayká he maale-, gál kufeká geđi loolnodhe-, tá gál he maamanká Fayam Midhabká hí ka hileká mú geeyyíe.

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 5:1

Yíésu nyesebich argeká gurmit feˈjie, yíéđie, mú lalille mú ˈdu gáá yimie.

Lúka 12:32

Wala iraam mánnallo, haí biiy gaa kikían! ˈJaakícho hí Guch Waaˈgiet shiguoká hé tág fedo.

Lúka 13:28

Ál kinaal hí Abirááyam, Yísak, ubaa Yákob, tá gál Waag hí ˈdéé ka shigicheká lulle hí Guch Waaˈgiet gaa argiyyeka, itín hát gaalí baaˈd ki ˈgidhieká haí kiimisata, haí beenne, kach amet hollo hí hol gaa ˈginianna.

Lúka 14:15

Gál Yíésu hol ˈgar golmoteká mú tikiˈd ˈdeenyéél maaleká Yíésu geey, kieye, Máá Guch Waaˈgiet gólólle gololsotká ebá Waag hí ˈdú ˈjiiy! yie.

Lúka 16:25

Aalé Abirááyam kieye, Ákutú, af héle kuun hé ˈdabaanká gaa iđe-, Lasááro íín hát ˈdeđewká ijeká táb ˈdúo. Mu íín káána balchá he gaa ija, kúún íín káána hí manyjany gaa iđa.

Lúka 4:18

Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Korínto ki Naamaká 6:10

Har úba nyí ger ˈdéént ki iđoka, Waag aadh lulle hé nyí ger gaa memesicho. Har káána úba nyí he manítaka, nyáá nyí gál burnayká kamur ˈdaalimo-, Waaˈgietká shigicho. Nyiin he gál hé níínní ˈguo mánká, kor nyáá nyí he lullé nyí ˈgayya.

Korínto ki Naamaká 8:2

Gaal har úba manyjasiny guđoká il hí aargiˈdo-, gál he maamanká úba kátaka, hé tág ger hí gaa meedhe, in ger gaa meen kinaallá gáál ger gaa ˈdabínt yé ˈdú ˈdeeyche.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Dhesaloníke Erká 1:6

Af giri hí fayamééllá iiy chieká it tág he il hí argiyye, tá Hím Naasan Waaˈgiet hé hí ger gaa meen shiiche. Hatallá in nyíín ubaa Máá kúnnaa Guđóóllá hí yaalmitkínyo ká enniyye.

Dhesaloníke ki Naamaká 1:5

Hééllá lulle Waag he hol eiy gaa nímle hát tagléká he gáál ká aargisia. Waag itín gál ˈdúwa-, hí Guchle higiloká hí ká dhaˈgasanna. Mú Guchlééllá ˈdaalle ˈdugaka in hí maanyjayya.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Kí Edhesiny 2:9

Yú yáá manyjanykícho ubaa he mantkícho óg, tá it kamurayye. Gál hol gál Waaˈgiet yeget-, kor gál Waaˈgiet muuninyallá hé ˈdeđew-, ˈdaakíchoka huogodheká yáá óg. Gálallá he gál Satan.