Lúka 6:12 - Fayam Midhab Yiesu Kiristoká He Hol Af Iđiny Kaanaká

¹² Aalé kulich tikiˈd Yíésu gúm mé nie, Waago he vivite. Mu chúúre kinaal lulle Waag gaa vite.

Lúka 6:12 ပူးပေါင်းရင်းမြစ်များ

Matááyo 5:1

Yíésu nyesebich argeká gurmit feˈjie, yíéđie, mú lalille mú ˈdu gáá yimie.

Matááyo 6:6

Waag vivisatoká, ˈbílkú geer af ki kúo, ˈJaa kua máá hí argo-, mánká vísso. Hát kinaallá ˈdiiyyeka, ˈJaa kua hé gaalí ma arginyká argoká, hé shiicho hai ko ká shigia.

Márko 1:35

Búrlé-, biiy hátle ma bírinyká Yíésu ˈbíl yé gaa ˈdie, ál ˈbakate-, Waag gaa vivisatká sedhe.

Márko 3:13

Aalé Yíésu gúm feˈjie, mu gállé fedeká vie, gaal mú ˈdú sedhe.

Márko 6:46

Mu gáál hol in eiy ka kieká mu sedhe, gúm feˈjie, giri Waag vivisatká.

Lúka 5:16

Aalé Yíésu af burnayká aadhká alb gálaat mánká he mé nannie, Waag gaa vivite.

Lúka 6:11

Gál Farisaay ubaa gál nyatalaam kinaal súm idhane, hé Yíésu ki ekemeyoká hol af gáá koy.

Lúka 6:17

Yíésu ubaa lalille gúm gáá leedheká, Yíésu ál gaa guđo-, saaloká ki ˈdie. Ál kinaal mú lalillé guđoká hé mú hol ˈgie. Nyésébích guđoká úba lés Yuuˈdia ubaa ˈjien Yerusalem, tá ˈjien Turo ubaa ˈjien Siˈdon giri bás in ijeká he gáá yimie,

Lúka 9:18

Kulich tikiˈd Yíésu tákámle Waag viviteká, mú lalille hé mú hol ˈgie. Aalé mu gáál heete, kieye, Gálaat mááya ye yegedhe? yie.

Lúka 9:28

Aalé Yíésu hé kinaal lulle beete. Ram amú síet chieká mu Bétiro, Yuána, tá Yákob eedhdhe, gúm feˈjie, giri Waag vivisatká.

Lúka 9:29

Mu Waag viviteká, mú innum bis hí hol gaa suoy, mú đafaraamle súm édh yie, ˈjiimiˈde.

Yuána 6:3

Aalé Yíésu ubaa lalille gurmit feˈjie, gurmit ˈdú yíéđie.

Kolosááya 4:2

Waag viivitíe, hí Waag vivisataká kaskícho hí in banno, Waag gielmít hol ˈdú naannáa.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.