Lúka 5:14 - Fayam Midhab Yiesu Kiristoká He Hol Af Iđiny Kaanaká

¹⁴ Yíésu mú he ki mure, giri mu mú tikiˈd úba ma geđiny-, mu máá suoryoká hol aargisuo-, mu suor Móshe hí gáál geey-, máádhat midhandheka hí ˈgaˈgaloká Waag ki ˈgaalo-, hát midhandheká gálaat hí aargiroká, Yíésu hí yie.

Lúka 5:14 ပူးပေါင်းရင်းမြစ်များ

Matááyo 10:18

ˈDaa giri itín hí lalichúká, gaal gál les met ki ˈgieká ubaa gál kaansúoká met haí siidha, tá gál kinaallá ubaa gál gál Yuuˈdi muuninyká metle ˈduuwchú haí gaa hogoto.

Matááyo 12:16

Kor Yíésu gáál il gíl gaa helie, giri ˈdaalleka gaalí gálaat ma geđinyká.

Matááyo 8:4

Aaléka, Yíésu mú geey, kieye, Hééllá ha máádhat géeny, tá sí, máá suoryoká hol argísish, suor Móshe hí gálaat geey-, máádhat fayandheka máá suoryoká hí ki ˈgaˈgaloká éew, muí ko ki ˈgalo, gálaat kuun hát fayanteká hí argo, mú yie.

Matááyo 9:30

Gaal đo biiy gaa arge. Aalé Yíésu gáál il gíl gaa helie, kieye, Haí hééllá máádhat géeny, yie.

Márko 1:44

Hééllá ha máádhat géeny! Sí, hát biiyyééllá aany ˈdááno, máá suoryoká hol argísish, muí ko suor ki ˈgalo. Hé héle Móshe hí gáál geeyká lulle tág kog, gálaat kuun hát fayanteká hí argo, mú yie.

Márko 6:11

Ény hí ki faan-, gálle hí ma shuunan-, tá hí af nee ma kokonyká hí gáá kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

Lúka 17:14

Mu gáál argeká gáál geey, kieye, Sedhíe, gál suoryoká hol argisía, yie. Aalé gaal ˈgíéríchlé gaa igire-, sesemeká đo midhandhe.

Lúka 5:13

Aalé Yíésu mú gíl ˈdú helie, mú đig yie, kieye, Yáá fedo, midháno, yie. Ál tikiˈde kinaal mú đo nyókot hí mán gaa chie.

Lúka 9:5

Gaal har hí rokoˈd ki gogoloká điidheka, ény kinaallá hí gaa kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.