Lúka 4:31 - Fayam Midhab Yiesu Kiristoká He Hol Af Iđiny Kaanaká

³¹ Aalé Yíésu Kafarnáum giri lés Galilaayaká mé nie, mu Kúlích Hef ˈGisanká ˈbíl ˈdiiyiminyká gálaat he gaa oonisie.

Lúka 4:31 ပူးပေါင်းရင်းမြစ်များ

Matááyo 10:23

Ény gálle hí maanyjasuoká kar gaa ˈdóo, ény éíy taakaká mé náa. Tá yú hí hé ˈdúwaká geeye, itín ˈdaab yáá Iny Máádhátallá guchchú ma kí yímenká it ény Yisirayel lúl mé ma ki ˈdaraminy.

Matááyo 4:13

Mu ény Nasaret gaa kieká sedhe, Kafarnáum-, Bás Galilaaya in ijo-, lés é meeny Dhebulun ubaa é meeny Nafitali gaa taalká álle gaa yíéđie.

Lúka 4:23

Yíésu gáál geey, kieye, Hé ˈduwa, itín gon ˈdéé hótallá haí ye ˈdú hogoto: Máá gil onyi, hol bísish! Hé nyí maalle-, gáál af ˈdaˈdabsuo-, Kafarnáum gaa ekeycheká, lés kuallá úba gaa ékesh, haí ye cheedhe.

He Ekeny Gál Alb Fimiká 13:50

Aalé gál Yuuˈdi giri ˈdeeny Yiesu điidheká ˈdeg he súm óg-, hí nyátálle tág el gaa igiˈdeká ubaa ˈjien kinaal gállé guguđoká lulle chure. Gaal Báulo ubaa Barnábas oos mure, gáál lésle gaa arie.

He Ekeny Gál Alb Fimiká 18:4

Báulo ˈjien Korinto kinaal bar lulle Kúlích Hef ˈGisanká ˈbíl ˈdiiyiminyká seeseme. Mu fayam Yiesu gálaat ki ˈdiiyime, gál Yuuˈdi ubaa gál Hellen ˈdéé af gaa kuokoy.