Lúka 4:18 - Fayam Midhab Yiesu Kiristoká He Hol Af Iđiny Kaanaká

¹⁸ Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

Lúka 4:18 ပူးပေါင်းရင်းမြစ်များ

Matááyo 11:5

Hát gál in maamanká in kaadhdhe-, gál ˈgas maamanká hol gaa seeseme-, gál nyókot ˈgieká fayandhe-, gál nee maamannayká he maale-, gál kufeká geđi loolnodhe-, tá gál he maamanká Fayam Midhabká hí ka hileká mú geeyyíe.

Matááyo 12:18

giri Waag kieye, Máá chia yú ká sillie-, hújíchchú nannuoká dhaayyíe! Máállá he máá yú giel-, ye geer gaa memeyoká. Hím Naasanchú mú ha yú ˈdú kokoo, mu ˈdéé ki iđiny ˈdúwaká kidh hai ki ˈdiyime.

Matááyo 12:20

Mu hé iishit ˈgeyyeká ma silminy, hé úba ˈjiet bolo hí dhoodhoyyeká ma yiesiny, ˈjíig ˈdaab mu ˈdéé ki iđiny ˈdúwaká les ma ki iđîny-, ađááb ma ka ádhanká.

Matááyo 4:16

gálle bííy gaa ongʼoˈdeká gaa ijeká hé édhúm ˈdúwaká arge. Gaal hé lés gaa ongʼoˈde-, kufachiet-, gaa ijeká hé edhum hí gaa veere, chieká.

Matááyo 5:3

Gál hát lulle mán-, Waag bala ˈdú nieká hé Waag hí ˈdú ˈjeˈjeenno. Guch Waaˈgiet gál hí léká hé kinaallá.

Lúka 4:17

Aalé mú gaalí warˈgat máá Yisááya lé-, Waag hí ˈdéé ka shigicheká hí veereká shie. Mu warˈgát fuore, ál muí ˈdeenyéél gaa veereká af eey:

Lúka 6:20

Yíésu lalille ki fuˈjie, kieye, It hí hát lulle mánnallá Waag hé hí ˈdú ˈjeˈjeenno, itín he gál Guch Waaˈgiet léká.

Lúka 7:22

Aalé Yíésu lali giri Yuanaká ˈdéé hol ˈdú nie, kieye, Hol nadhíe, Yuána hé hí argiyyééllá ubaa hé hí maallééllá fayamle shía. Gál in maamanká hé in kaadhdhe, gál ˈgas maamannayká hé hol gaa seeseme, gál nyókot ˈgieká hé midhandhe, gál nee maamannayká hé he maale, gál kufeká hé sidham kaadhdhe, gál he maamanká hé gaalí Fayam Midhabká shie, yiedhíe.

Yuána 1:41

Ánˈduru đo kie, erkob nyárlé Símon af kí ˈdie, mú geey, kieye, Nyáá nyí Máá Messíya léká argiyye, yie. (Messíya he af Heberew. Af Hellenka he Kirísto.)

Yuána 12:46

Yú lésallá ka yimíéllá he édhum, giri máá ye iiy yegetká bííy gaa ongʼoˈdeká ma gaa yíéđiminyká.

Yuána 3:34

Máá Waag hí ali gáá kaayyeká ˈdeeny Waaˈgieto ˈdiyime. Waag Hím Naasanle hé mú ˈdú ookodmiche.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

He Ekeny Gál Alb Fimiká 4:26

Gál kaansúo-, lesalloká hé tagano ˈdie, tá gaal hé hol ˈdú gáá yimie, Máá Guđo Waag ubaa máállé Kirísto hé ˈdú gáá rue chieká.

He Ekeny Gál Alb Fimiká 4:27

Hé kinaallá hé ˈduway. Heróˈde ubaa Bonti Bilááto, tá gál kidhdhoká ubaa gál Yisirayelká hé ˈjienééllá hol ˈdú gáá yimie, giri Gédéch kua Saas Mán-, kuun hí salab mé ki liiyye-, kansím koyye-, Yíésu léká met hiigiteká.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.