Lúka 3:1 - Fayam Midhab Yiesu Kiristoká He Hol Af Iđiny Kaanaká

¹ Bár giri Kaisar Tibériyo hí les máállé súm guđo kansichká gaa onnoyká tá wárlé ki tomon tikiˈde a chenká, Bonti Bilááto íín lés Yuuˈdia mé ki yiel. Bár kinaal úba Heróˈde he máá kansich Galilaayaká. Heróˈde nyárlé Fílib íín lés Ituria ubaa lés Tarakoniti kansimle ˈgie. Lusánias íín lés Abileenno he kansimle ˈgie.

Lúka 3:1 ပူးပေါင်းရင်းမြစ်များ

Matááyo 14:1

Af kinaallá Heróˈde giri kánsích lés Galilaaya onnoyká fayam Yiesu maale.

Matááyo 14:3

Máá Heróˈde lééllá in héle Yuána ˈgiliˈgay, mú hiigidhe, mú ˈbíl hiiginká gaa kaay. Mu Yuána ˈbíl hiiginká gaa kaayallá, mu nyárlé Fílib minlé Heróˈdias minle hote, hé kinaallá in Yuána hí mú ˈdú ˈdeente.

Matááyo 14:6

Kor af giri Heróˈde kúlích he gaa ˈdalidheká ˈjilalle ali kí ˈdiiyyeká, ini Heroˈdias gál gaalí kiereká met gaa laalate, Heróˈde geer hí gaa meedhe,

Matááyo 22:17

Ebá nyí ka géesh, háte dhaayche? Káísar ki gibíre ki gugusoká taglée, ebá hé tagle muuniny? gaalí yie.

Matááyo 27:2

Gaal Yíésu gil hiigidhe, mú máá Bilááto lé-, lés kinaal mé ki yielká ˈdú eedhdhe.

Márko 6:17

Heróˈde hatallá yíéllá he ˈdaa giri íín gáál ali fie-, gaal Yuána ká ˈgiliˈgay-, mú hiigidheká. Hé muí hééllá ki ekeyallá he ˈdaa giri mu nyárlé Fílib minlé Heróˈdias eedhdhe-,

Márko 6:21

Waaséél kúlích Heróˈdias hí ˈjiirtle yé ki ˈdeđisatká bííyle ká biˈde. Kúlích kinaallá he kúlích Heróˈde hí gál guguđo-, gubaayá met ki ˈgieká ubaa yuoy gállé kaansúoká, tá gál Galilaaya-, guguđoká golmuo-, muí ˈdalmaatle táb gaa ˈdoˈdootká.

Lúka 13:31

Aadh ˈgás tikiˈde kinaallá gál Farisaay ˈbaal hí Yíésu ˈdu gáá yimie, mú geey, kieye, Heróˈde ko yegeská he fede, állá gaa keʼ, ál eiy mé naʼ, mú yie.

Lúka 2:1

Bár kinaal máá kansich les ger lulle mé ki yiel-, Káísar giri Agústo léká ˈdéé mure, giri gálaat lullé les gaa ijoká gaalí totoyoká.

Lúka 23:24

Aalé Bilááto ˈdéé mure, giri hát gaalí fedoká ˈgíéríchle yuoy hí mú ki naatoká.

Lúka 3:19

Aalé Yuána máá kansich Heróˈde ki lole. Mu Heróˈde héllé ˈdeđew eekemey-, máálle min nyárlé giri gaalí Heróˈdias yegieká eedhdhe-, minle hote-, tá ubaa héllé éíy taaka ˈdeđew-, eekemeyká geey.

Lúka 9:7

Aalé Heróˈde giri kansichká he lullé Yíésu hí eekemeyká maaleká neey, ˈdaa giri gáál ˈdáá tikiˈd kieye, Yuána hé uushich yé gáá ˈdie,

He Ekeny Gál Alb Fimiká 23:26

Máá ˈdúwa guđo Felíki, naa! Yú he Kaláúˈdias giri Lúsias léká.

He Ekeny Gál Alb Fimiká 24:27

Aalé warram naam hí beeyyeká Bórkios Fésitos kara kansimo-, Felikiká ˈdú yíéđie. Felíki ˈdaa giri gál Yuuˈdi hí memeyo-, fedeká, mu Báulo ˈbíl hiiginká ki hay.

He Ekeny Gál Alb Fimiká 26:30

Aaléka máá guđo kansich Agiríba ubaa máállé guđo Fésitos, tá Agiríba nyaarlé Berníke ubaa gál ál kinaal ijeká lullé les gaa kie.

He Ekeny Gál Alb Fimiká 4:27

Hé kinaallá hé ˈduway. Heróˈde ubaa Bonti Bilááto, tá gál kidhdhoká ubaa gál Yisirayelká hé ˈjienééllá hol ˈdú gáá yimie, giri Gédéch kua Saas Mán-, kuun hí salab mé ki liiyye-, kansím koyye-, Yíésu léká met hiigiteká.