Lúka 24:48 - Fayam Midhab Yiesu Kiristoká He Hol Af Iđiny Kaanaká

⁴⁸ It giri hí hééllá argiyyeká in hí gálaat ki ˈdiyeenne.

Lúka 24:48 ပူးပေါင်းရင်းမြစ်များ

Yuána 15:27

Aalé ˈdaa giri kíssóótí ke hol ˈgie-, káána đigallá itín úba ˈduuwchú gálaat haí geđicha.

He Ekeny Gál Alb Fimiká 1:8

Aalé Hím Naasan Waaˈgiet hí ˈdu gáá leeteka, fargogínt haí aargiˈda. Itín ˈjien Yerusalem, lés Yuuˈdia lullé, tá lés Samaria, tá ˈjíig les ameenylé ki taalká ˈdeenychú gálaat ha hí gaa maalsicha, muí yie.

He Ekeny Gál Alb Fimiká 10:39

Nyííni he lullé muí lés gál Yuuˈdi ubaa ˈjien Yerusalem gaa ekemeyká nyí il ki argiyye. In gaal mú ˈgór đarám yaalká ˈdú ˈdoy, mú yies.

He Ekeny Gál Alb Fimiká 10:41

Mú hé gálaat lulle hí ma árginy. Nyííni giri kis Waag nyí waarate-, hé nyí il ki argiyyeká nyí hogotoká tákáma nyí mú argiyye. Gál kinaallá he nyííni giri mu uushich yé gáá ˈdieká nyí mú hol ˈgar gololsote-, mú nyí hol he ˈgar iiyyeká.

He Ekeny Gál Alb Fimiká 13:31

Mú rám burnayyeká gál hol Galilááya gáá eedhdhe-, hol Yerúsalem ˈgar sedheká úba hí arge. Gál kinaallá gál mú ˈdúúw ˈdú ˈdie-, káána gálkúnno geđuoká.

He Ekeny Gál Alb Fimiká 2:32

Waag hé Yíésu kinaallá loolnoyche, uushich yé gáá ˈdeeyche, tá nyíín lulkínyo nyáá nyí hé kinaallá ˈdúúw ˈdú ˈdiiyye.

He Ekeny Gál Alb Fimiká 22:15

Kúún aaléka mú máállé misikirká ha cheedhe, hé argiyye-, ubaa maalééllá fayamle gálaat lulle ha shigicha.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

He Ekeny Gál Alb Fimiká 4:33

Gál alb fimiká Máá Guđo Yíésu uushich yé gáá ˈdímle fargogínt ki ˈdiiyime, tá gáál ˈdúˈjím guđoká hí ˈdú gáá leete.

He Ekeny Gál Alb Fimiká 5:32

Nyíín ubaa Waag Hím Naasanlé giri Waag hí gállé hí met gaa kekeenká shiicheká in nyí hééllá ˈdúúw ˈdú ˈdiiyye, nyí hogoto, gaalí mú yie.

Bétiro Erká 5:1

It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,