Lúka 24:44 - Fayam Midhab Yiesu Kiristoká He Hol Af Iđiny Kaanaká

⁴⁴ Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Lúka 24:44 ပူးပေါင်းရင်းမြစ်များ

Matááyo 1:22

Hééllá lulle hatallá ˈdíéllá he giri Máá Guđo Waag máállé ˈdeem ka shigieká ˈdeenylé ˈdiiyimeká ˈduuwawká,

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 26:54

Tá hé kinaal har yú ekeyka, hé Warˈgat Waaˈgiet hí hoteká háteeye ˈduuwaa? muí lalille yie.

Matááyo 26:56

Hééllá lulle hatallá ˈdíéllá he giri ˈdeeny gál Waag hí ˈdeem ka shigicheká hí ˈdiiyime-, Warˈgat Waaˈgiet gaa ijoká ˈduuwawká, Yíésu hí gáál yie. Aalé gál láliká lulle Yíésu in kar ká ˈdane.

Lúka 21:22

Hééllá af giri he il ka argisiny-, he lullé gaalí Warˈgat Waaˈgiet gaa veereká ˈduuwawká.

Lúka 22:37

Tá yú hí geeye, hé ˈdaachúka Yisááya hí warˈgatle gaa veereká hai ye ˈdú đuđua, giri ˈdeenyle kieye, Mú hé gaalí gál nyakikoraam ˈguoká ˈdú iifie, chieká. Hé ˈduwa, hé ˈdaachú ˈdugaka Yisááya hí warˈgatle gaa veerééllá aflé ye ˈdú đuđuoká hé ali kí ˈdiiyye, Yíésu hí gáál yie.

Lúka 24:46

Mu gáál geey, kieye, Warˈgat Waaˈgiet hatallá gaalí gaa veere: Messíya ha gaalí yeese, tá kúlích ki seđeká sídhle hollo hí hol ˈdú naata, uushich yé hai gaa ˈdeeme.

Lúka 9:22

Mu kieye, Iny Máádhat manyjasiny guđoká gon il haí aargiˈda. Gál káruká, ubaa gál guguđo-, suoryoká, tá gállé nyatalaamká haí điidhma, ha gaalí yeese, tá kúlích ki seđeká Waag uushich yé haí gáá ˈdeđicha, Yíésu hí lalille yie.

Lúka 9:44

ˈDeenyééllá hí nee hilo: Iny Máádhat gálaat gíl geer ha gaalí gaa kakaa, muí gáál yie.

Yuána 3:14

Hát tikiˈde Móshe gibit chár tág gaa nieká ˈgór ˈdú ˈdoy-, ˈbakat álle úr ki eeyká, in Iny Máádhat úba gaalí hát kinaal úr ki egee,

Yuána 5:39

Itín it tág Warˈgat Waaˈgiet totoycho. Tawunykíchoka, he veerít luolmit biiyoká ha nyí gaa aargiˈda, hí chegedhe, kor he veerít íín ˈduuw chia he hogoto.

Yuána 5:46

Móshe ˈdeenyle hí iiy chéenka, af kinaalka iiy haí ye chegie, ˈdaa giri ˈdeeny muí veereká héchú hogodhoká.

He Ekeny Gál Alb Fimiká 13:33

He af iđiny kinaallá múúni ke gáál umlééllá káána muí hélle gáál ká shie, giri mu Yíésu uushich yé gáá ˈdeeyká. Hát káána gaalí warˈgat Arramká káráflé naamaká gaa veere-, kieye, Kúún he Inychú, kúlíchallá yáá ko ˈdale, chieká.

He Ekeny Gál Alb Fimiká 13:40

Aaléka tág ˈdée, hé gál Waag hí ˈdéé ka shigicheká hí huogodheká ha il hí árginy, giri kieye,

He Ekeny Gál Alb Fimiká 2:27

ˈdaa giri kuun sídhchú ál gaaramká ma ki haađiny-, máá kua lé-, kuun hí taak koyyeká mooˈdowká kuun hí iiy ma chegenká.

He Ekeny Gál Alb Fimiká 3:18

Hééllá hát Waag hí gállé héle ˈdeem ka shigicheká kíssóótí geeyche-, giri Messíyalle maanyjawká in ˈduway.

He Ekeny Gál Alb Fimiká 7:37

Hééllá Móshe tikiˈde giri gál Yisirayel geey-, kieye, Waag máá Waag hí ˈdéé ka shigicho-, hát yúká gálkúnno hurt yé hai gáá ˈdeđicha, muí yieká.

Héberew 10:1

Suoryam hemuumuritlé Móshe hí gáál shieká he hé midhab-, ali kí ˈdíéllá yaalmitlé he ká yiel, tá he hé hééllá tuuˈdle muuniny. Suoryam warram lullé gaalí gaa ˈgaˈgale, tá suoryam kinaallá hé fargogint níínní gál Waag bala ˈdú nannieká gál saas mánká hođicheká mán.

Héberew 3:5

Gál Waaˈgiet ˈdaalle ˈdugaka Móshe he gédéch hé Waag hí gedicheká el gaa igire-, he nannieká. Hé muí nanníéllá he hé Waag hí waaséél biiy yé gáá ˈdeeycheká hol ki eg.

Héberew 7:1

Máá Melkíseˈdeg lééllá he máá kánsích Salem ubaa Waag Úr Iđoká máállé suoryo-, onnoyká. Máállá he máá Abirááyam af giri gál kaansúoká hol yies-, mu gáál ka adhdhe-, tá ka gagalleká mú hol met kí ˈdoy-, mú ˈdú ˈguunumeká.

Héberew 9:8

Henaasanééllá ˈdaalleka Hím Naasan Waaˈgiet hé gáál ka geđichoká he giri bár ˈBíl ˈbaaro Waaˈgietallá he les gaa ijeká Waag hé Ál Súm ˈDúwa-, Kiato-, uratiká ˈgíérích gálaat hí ki higiloká hátle gálaat ma kí edhesînyká.

Bétiro Erká 1:11

Hé gaalí eiy naasanle fedeká he manyjasiny Kiristo yaalmisanolle ubaa manyjasinyle aleđuđugullé, tá hé ˈdúwa-, burnay-, midhab-, manyjasiny kinaal el gaa igiroká eiy naasanlé. Hím Naasan Kiristo gál kinaallá gaa iđeká hé gáál kíssóótí ˈdeem manyjasiny ubaa hé ˈdúwa kinaal geeyche.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.