Lúka 23:4 - Fayam Midhab Yiesu Kiristoká He Hol Af Iđiny Kaanaká

⁴ Aalé Bilááto gál guguđo-, suoryoká ubaa nyesebich geey, kieye, Máállá hé ˈdeew-, he ekey-, yú gaa argeká mán, yie.

Lúka 23:4 ပူးပေါင်းရင်းမြစ်များ

Matááyo 27:19

Aalé Bilááto hátlé karallé hemuritiká ˈdú ijeká, minle hí máádhat ali ˈdú kaayye, kieye, Máá ˈdúwáállá ˈdeenyle ha hurt híliny. Amadh maallo kisare yú amadheká hé tág ye hawul ˈgeˈgeto, chie.

Márko 15:14

Aalé Bilááto geđi gáál heete, kieye, Háteka? Mu meete ˈdeeney? yie. Gál giriká geđi súm kúóˈd ˈdoy, kieye, Mú ˈgór đarám yaalká ˈdug ˈdú yiesíe! yie.

Lúka 23:22

Bilááto gíl ki seđeká gáál yiete, kieye, Mú háteka ke yegesal? Meete ˈdeew muí ekey? Yú yáá hé ˈdeew-, muí ekey-, ki mú ˈdú yegeská mú ma gaa árginy. Yuoy ha yú geđia, giri gaal mú tuuno-, tá mú haađuoká, muí gáál yie.

Yuána 18:38

Bilááto kieye, ˈDeeny ˈdúwaká meete? yie. Bilááto ˈdéé hótal hodheká đo yíé ˈdie, gál Yuuˈdiká geđi ˈdú sedhe, kieye, Yáá máállá hé ˈdeeney gaa argeká mán.

He Ekeny Gál Alb Fimiká 25:25

Máállá hé ˈdeew-, he ˈdeeney-, yú gaa arge-, hí kúfach mé ki kokuoká mán. Tá ˈdaa giri mu kieye, Ye Káísar ˈdú ée, muí yieká, in aalé yú kieye, Mú Róóma yú ali ˈdú kakaa, yú yie.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Bétiro Erká 2:22

Mu hé Waag hí feˈdeká hé níínní gaa ˈdeeneyká mán, hé úba hodho hí af yé gáá ˈdieká mán.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.