Lúka 23:33 - Fayam Midhab Yiesu Kiristoká He Hol Af Iđiny Kaanaká

³³ Aalé gaal he ál gaalí Ál Me ˈGonte yegetká ki ˈdieká, yuoy Yíésu ˈgór đarám yaalká ˈdú ˈdoyye. Yuoy úba gál naama he ˈdeeney kinaal ˈguor ˈdú ˈdanne. Mú tikiˈd gaalí Yíésu gíl ˈdaa naaniet koy, máátí gaalí mú gíl ˈdaa ˈjíbach koy.

Lúka 23:33 ပူးပေါင်းရင်းမြစ်များ

Matááyo 20:19

Gaal kídh gíl geer hai ye gaa kakaa, giri gál kinaal ye ˈdú kosolon-, ye tuuˈd ki tuuno-, ye ˈgór đarám yaalká ˈdú yegeská. Tá kúlích ki seđeká sídhchú geđi hollo ye hol ˈdu gáá naata, uushich yé ha yú gáá ˈdeeme, Yíésu hí gáál yie.

Matááyo 26:2

kieye, Ram naam ˈgiteka hát ˈjila máá ˈgasso-, urru-, Waaˈgietká hí gáál ˈdug gaa nadheká ke ˈguoká it óg. ˈJiláállá afle yáá Iny Máádhátallá gál ye ˈgór đarám yaalká ˈdug ˈdú yegeská gíl geer ha gaalí ye gaa kakaa, yie.

Lúka 24:7

giri mu kieye, Iny Máádhat gál nyuogim ˈguoká gíl ha gaalí gaa kakaa, ˈgór đarám yaalká ha gaalí ˈdú ˈdiisa, hai kufuma, tá kúlích ki seđeká uushich yé hai gáá ˈdeeme, muí yieká, gaalí ˈdég yie.

Yuána 18:32

Hééllá hatallá ˈdíéllá, he ˈdaa giri Yíésu kúfáchlé yaalmitle kis huogodheká ˈduuwawká.

Yuána 3:14

Hát tikiˈde Móshe gibit chár tág gaa nieká ˈgór ˈdú ˈdoy-, ˈbakat álle úr ki eeyká, in Iny Máádhat úba gaalí hát kinaal úr ki egee,

He Ekeny Gál Alb Fimiká 13:29

Aalé gaal he lullé mú ˈdaalle ˈdugaka gaalí veereká đusieká, mú gálle mú ˈgór gáá leesie, mú ˈguoˈd gaa kaay.

He Ekeny Gál Alb Fimiká 2:23

Máállá Waag hí gíl geer gáá kaayyééllá, he hát giri kis Waag hí tawuyye-, hí gaa feˈdeká in gál nyatalaam maamanká hí mú yiir kí chiˈde, mú hí ˈgór đarám yaalká ˈdú chies.

He Ekeny Gál Alb Fimiká 5:30

Yíésu giri itín hí ˈgór đarám yaalká ˈdú chieská hé Waag eshim eshimkúnno hí loolnoyche, hí uushich yé gáá ˈdeeyche.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.