Lúka 23:25 - Fayam Midhab Yiesu Kiristoká He Hol Af Iđiny Kaanaká

²⁵ Bilááto máá giri gál Yerusalem chure-, gáál mangis mé il gaa koy-, ubaa máádhat yies-, gaalí hiigidhe-, tá káána, Nyí kí fur! gaalí yieká fure. Yíésu íín muí yuoy gíl gaa kaay, giri yuoy hát gál Yuuˈdi hí fedóóllá mú ki seseennoká.

Lúka 23:25 ပူးပေါင်းရင်းမြစ်များ

Matááyo 27:26

Bilááto đo gáál Baráábas ki fure. Mu yuoy ˈdéé ki mure, giri gaal Yíésu anakoto gaalí sibilaam met ki higidheká ki tuunoká. Aalé Yíésu gaalí tuneká Bilááto đo Yíésu yuoy gíl gaa kaay, giri yuoy mú ˈgór đarám yaalká ˈdug ˈdú ˈdaraannoká.

Márko 15:15

Aalé Bilááto nyesebich ˈdéé ki aabunayoká fede, mu gáál Baráábas ki fure. Aalé mu yuoyle ˈdéé ki mure, giri gaal Yíésu anakoto gaalí sibilaam met ki higidheká ki tuunoká. Yíésu yuoy hí tunneká, Bilááto geđi yuoy geey, giri Yíésu egeet-, mú ˈgór đarám yaalká ˈdug ˈdú ˈdaraannoká.

Lúka 23:2

Gaal mú he af kaay, kieye, Máállá gál kínyia baađisia, nyí argiyye. Mu kieye, Haí Káísar gibíre les ki fíinyo, he gálaat yeedhe. Mu úba kieye, Yú he Messíya giri kansichká, he yie, gaalí yie.

Lúka 23:24

Aalé Bilááto ˈdéé mure, giri hát gaalí fedoká ˈgíéríchle yuoy hí mú ki naatoká.

Lúka 23:26

Gaal sienylé seseme-, Yíésu ˈgie-, mú ál ˈgór đarám yaalká ˈdú ˈdaraanká ˈdú egedhdheká, máá Kurene-, gaalí Símon yegie-, forich gáá yiimie mare hol met kí ˈdoy. Aalé gaal máá kinaal ká ˈgiliˈgay, mú ˈgór đarám yaal-, Yíésu hí ˈgieká ˈgáár ˈdú iđie, mu Yíésu el gaa veere, mú ˈgór ˈgar sidhe.

Lúka 23:5

Gaal Bilááto ˈdéé mé ki tie, kieye, Máállá hé lés gál Yuuˈdi geerle lulle gaa sedhe, gálaat he onisinyle ki chure. Mu he onisinyle erkob Galilááya mé gáá kodhdhe, in ˈjíig káána állá kí hile, gaalí yie.

Yuána 18:40

Gaal đo kúóˈd ˈdoy, kieye, Ha nyí máá kinaallá kí fúriny, nyí Baráábas kí fur! gaalí yie. Baráábas íín he máá gál les mé ki ˈgieká mé il gaa yielká.

Yuána 19:16

Aalé el ˈdaal, Bilááto mú gáál shie, giri mú gaalí ˈgór đarám yaalká ˈdug ˈdú yegeská. Aalé yuoy Yíésu eete.

He Ekeny Gál Alb Fimiká 3:14

It Máá saas mán-, ˈdúwa kinaallá điite. Itín máá gálaat yegieská gaalí yé kí ˈdeđieká hí feˈde.