Lúka 23:2 - Fayam Midhab Yiesu Kiristoká He Hol Af Iđiny Kaanaká

² Gaal mú he af kaay, kieye, Máállá gál kínyia baađisia, nyí argiyye. Mu kieye, Haí Káísar gibíre les ki fíinyo, he gálaat yeedhe. Mu úba kieye, Yú he Messíya giri kansichká, he yie, gaalí yie.

Lúka 23:2 ပူးပေါင်းရင်းမြစ်များ

Matááyo 17:27

Tá gáál ha ke chirm kikisíiny, sí, bás bííyle mé naʼ, korbich bie ki lab, béch erkob-, korbich hí ka ˈgiliˈgawká af eiy ˈdéesh, a geerle bíre ha gaa aargiˈda. Bíre kinaallá ka éew, gáál ˈdú sit, hí yú ubaa kúún bíre kúnnaa gusachiet cheet, Yíésu hí Bétiro yie.

Matááyo 22:21

Gaal Yíésu ˈdéé hol ˈdú nie, kieye, Hé Kaisar, yie. Aalé Yíésu gáál geey, kieye, Hé Kaisar máállé Káísar shía, hé Waag hí léká Waagle shía, gáál yie.

Matááyo 27:11

Aalé Yíésu gaalí Bilááto met ká koy. Bilááto Yíésu heete, kieye, Kúún in he kánsích gál Yuuˈdi? yie. Yíésu mú ˈdéé hol ˈdú nie, kieye, Hát kuuní hogotóóllá, yie.

Márko 12:17

Aalé mu gáál geey, kieye, Hé Kaisar máállé Káísar shía, hé Waag hí léká Waagle shía, yie. Aalé gaal mú ˈdeenyléél af ˈdabe.

Márko 15:2

Aalé Bilááto Yíésu yiete, kieye, Kúún in he kánsích gál Yuuˈdi? yie. Yíésu mú ˈdéé hol ˈdú nie, kieye, Hát kuuní hogotóóllá, yie.

Lúka 23:14

gáál geey, kieye, Máá hí ye ˈdu gáá eeyyééllá itín kieye, Mu gálaato baađisia, hí ye chie. Tá bá dhaayyíe, mú káána yú metkícho gaa heegeteká hé ˈdeđew-, lulle hí mú af kaayyééllá har yú mú má gaa argua!

Lúka 23:5

Gaal Bilááto ˈdéé mé ki tie, kieye, Máállá hé lés gál Yuuˈdi geerle lulle gaa sedhe, gálaat he onisinyle ki chure. Mu he onisinyle erkob Galilááya mé gáá kodhdhe, in ˈjíig káána állá kí hile, gaalí yie.

Yuána 18:29

Aalé Bilááto gáál yé ˈdu gáá ˈdie, gáál yiete, kieye, Máállá meete ˈdeeney, hí ˈdú katate? yie.

Yuána 18:30

Gaal kieye, Mu onnônyka he ma ˈdeenenyka nyáá nyí ko ma ˈdu gáá egêny, yie.

Yuána 19:12

Bilááto af kinaallá đo ˈgíérích he Yíésu ki fufuroká hol gaa ˈgeˈgedhe, kor gál Yuuˈdi warchane, kieye, Har máállá hayche-, mu sedheka, kuun af kinaalka, kó máá Kaisar muuniny. Ameeny máá hol kansich yegetká Káísarro kansimle egesheye! gaalí Bilááto yie.

He Ekeny Gál Alb Fimiká 24:13

Gaal íín dhúrle káána ye ˈdéé af kaayallá hé ˈdúwa ˈguo-, ko ka geeyoká mán.

He Ekeny Gál Alb Fimiká 24:5

Máállá hát biiy ˈdeeneyká nyáá nyí kimisate. Mu hé gál Yuuˈdi les lulle gaa ijoká mángísle hol af maalít ká ridhdhe. Mu máá ény Nasaret gál hí el gaa veereká he mé ki yaalla.

Róóma 13:7

Hé hemuumurit mangis hí muˈde-, gaalí mangis les ki fafuoká, lúl mangis les ki fáa. Máá mangis gibíre kí shugunoká gibíre gugusatka, mú gibíre shía. Máá kansím ˈguoká ˈdúúw shía, met gaa keekemíe.