Lúka 22:53 - Fayam Midhab Yiesu Kiristoká He Hol Af Iđiny Kaanaká

⁵³ Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Lúka 22:53 ပူးပေါင်းရင်းမြစ်များ

Matááyo 21:23

Yíésu ˈBíl Waaˈgiet geđi hile-, gálaat he oonisieká, gál guguđo-, suoryoká ubaa gál káruká hí heete, gaal kieye, Kansim mááya kuun hí hééllá ki ekemeyche? Tá mááya ko kansimééllá shie? gaalí Yíésu yie.

Lúka 22:52

Aalé Yíésu gál guguđo-, suoryoká ubaa gál ˈBíl Waaˈgiet ˈdeˈdeenká met ki ˈgieká, tá gál káru ká yimie-, hí ˈgiiliˈgayká geey, kieye, Hí ká chimie-, hí fado ubaa shar ka chiratéél, yú he máá buraa léká?

Lúka 22:54

Aalé gaal Yíésu ˈgiliˈgay, mú eedhdhe, mú ˈbíl máá méte suoryoká eey. Bétiro íín gáál aˈdíne bííy fag nadhe.

Yuána 12:27

Aalé káána, geer hé tág ye gaa ˈdeenedhe, tá háte yú yeedhe? Baabá, hé ye met gaa ijóóllá ye gáá bísisho yú yeedhe? Híʼi, hééllá ˈdugaka in yú aleđuđugullééllá kí yimie, Yíésu hí yie.

Yuána 13:30

Yúúˈdas tikiˈde balashá hí gaa bebeyyóóllá đo yíé ˈdie. Af kinaallá biiy hé chuurayyeká.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 7:30

Mu ˈdeenyééllá tákáma hodhe, gál guguđo-, Yuuˈdiká đo mú ˈgiliˈgany gaa ˈgeˈgedhe, kor ˈdaa giri mú aleđuđugulle ali ma kí ˈdíinyká gaal hé máá níínní mú đig yieká mán.

Yuána 7:45

Aalé el ˈdaal gál giri ˈBíl Waaˈgietká ˈdeˈdeenká gál Farisaay ubaa gál guguđo-, suoryoká hol ˈdú nadheká, gál guguđo kinaal gáál yiete, kieye, Háteka hí mú ma ka ˈgiliˈgânyal? gaalí yie.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Eféso 6:12

Ooskúnno hé oos ke gálaat hol yegeská muuniny, he oos ke kansimano aryaan-, bííy urietká ubaa bííy lesallo-, gaa ongʼoˈde-, gálle édhúm Waaˈgiet ma árginyká mé ki ˈgiiyyo-, hátlé met hí hol ká eiyyeká ke hol kí ririatká.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.