Lúka 22:52 - Fayam Midhab Yiesu Kiristoká He Hol Af Iđiny Kaanaká

⁵² Aalé Yíésu gál guguđo-, suoryoká ubaa gál ˈBíl Waaˈgiet ˈdeˈdeenká met ki ˈgieká, tá gál káru ká yimie-, hí ˈgiiliˈgayká geey, kieye, Hí ká chimie-, hí fado ubaa shar ka chiratéél, yú he máá buraa léká?

Lúka 22:52 ပူးပေါင်းရင်းမြစ်များ

Matááyo 26:47

Yíésu hátlé ˈdéé hogodheká, lalille geđieká, Yúúˈdas giri lali tomon a naamaká mú tikiˈd onnoyká nyésébích ilish fado orfoká ubaa shar ˈguo-, gál guguđo-, suoryoká ubaa gál káruká hí alb ka fieká hol ˈgaa, ali kí ˈdie.

Matááyo 26:55

Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Lúka 22:37

Tá yú hí geeye, hé ˈdaachúka Yisááya hí warˈgatle gaa veereká hai ye ˈdú đuđua, giri ˈdeenyle kieye, Mú hé gaalí gál nyakikoraam ˈguoká ˈdú iifie, chieká. Hé ˈduwa, hé ˈdaachú ˈdugaka Yisááya hí warˈgatle gaa veerééllá aflé ye ˈdú đuđuoká hé ali kí ˈdiiyye, Yíésu hí gáál yie.

Lúka 22:4

Mu gál guguđo-, suoryoká ubaa gál ˈBíl Waaˈgiet ˈdeˈdemeká gállé hí met ki ˈgieká ˈdú sedhe, mu ˈgíérích he Yíésu gáál gíl geer gaa kakawká gáál hol geey.

Lúka 22:51

Aalé Yíésu gáál ki ˈday, kieye, Hééllá hayyíe! yie. Aalé mu máá giri gedechká net đig yie, mú đo net hí midhante.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Yuána 17:12

Af giri gáál nyí hol ˈgayyeká meeny ye ká shiichééllá yú gáál in ki yiel, in gaal naanná ije. Gaal hé máá níínní muun gáál gaa ˈgiteká mán. Gálallá máállé tikiˈde-, muun gáál gaa ˈgiteká he iny baađawká tákáma, giri ˈdeeny kua warˈgát hí hoteká ˈduuwawká.

He Ekeny Gál Alb Fimiká 5:26

Aalé máá giri ˈBíl Waaˈgiet gállé hí ˈdeˈdemeká mé ki yielká ubaa yuoyle đo hol eedhdhe, gál alb fimi kinaal ká eedhdhe. Gaal hé gáál hát fargogintiká ma ka shúúnan, ˈdaa giri gaal gálaat kiadhe-, gálaat waar hai nyí kí tuuna, yegieká.