Lúka 22:42 - Fayam Midhab Yiesu Kiristoká He Hol Af Iđiny Kaanaká

⁴² Baabá, har feˈdoka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Lúka 22:42 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Matááyo 11:26

Baabá, hé ˈduwa! Hééllá hát kuun hí feˈdeká, Yíésu hí yie.

Matááyo 20:22

Yíésu gáál geey, kieye, Itín it hé hí rogononnoká muog. It kulu manyjasiny yú ál ˈjob igianallá úba hí igiannoká uˈdâ? yie. Aalé min helelle kieye, Nyáá nyí uˈda, yie.

Matááyo 26:39

Aalé mu biiy met á níínni mare ki sedhe, abúún ˈdíínie, Waag vite, kieye, Baabá, har tagle kátaka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Matááyo 26:42

Aalé Yíésu geđi hol nadhe, Waag vite, kieye, Baabá, har kulu manyjasinyallá ye gaa egeyyoká tagle muuniny-, yú he gaa igianká feˈdoka, he hí hát kuun hí ye ki feˈdoká yeet, yie.

Matááyo 26:44

Aalé mu gáál hay, hol nadhe, gíl ki seđeká Waag hát tikiˈde he viviteká geđi vite.

Matááyo 6:10

Guchkú hí lésallá ká chimet. Hát feˈdo-, gaalí úr gaa ekemeyóóllá, gálaat úba hí lésallá gaa eekemeyo.

Márko 14:36

Mu kieye, Ába, Baabá, he lulle kó uˈdo, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Lúka 23:34

Aalé Yíésu kieye, Baabá, ˈdaa giri hé gaalí ekemeyóóllá gaalí muogká, gáál ˈdú ˈjé, yie. Aalé yuoy hol koiy ki ˈdoyye, giri mú đafaraamle eiy shugunatoká.

Yuána 18:11

Aalé Yíésu Bétiro ki ˈday, kieye, Faaˈd tobotle hol ˈdú naʼ! Kulu ˈJaachú hí ye ka shíéllá, yáá ma igimîny? yie.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

Yuána 5:30

Yíésu kieye, Yú tákámchú yáá hé ekemeyoká mán, yú hé maaloká in ˈgásle gaa igira, gálaat ˈdéé ki iđimia. Yú ˈdéé ki iđiny ˈdúwaká gálaat ki iđimia. Yú yáá hát fedoká ma ekemeny, yú Máá ye ali gáá kaayká hát he fedoká ekemeye.

Yuána 6:38

Yú úr gáá yimíéllá yáá hé meenychú ma ekemeny, Máá ye ali gáá kaayká hát he fedoká el gaa igira, ekemeye.

He Ekeny Gál Alb Fimiká 21:14

Aalé hé nyí mú geđichaká nyí ˈdabiyyeká, nyí shab chie, đo nyí mú geeyche, He hí hát Máá Guđoká hí gaa fedoká ˈdie, nyí mú chie.