Lúka 22:19 - Fayam Midhab Yiesu Kiristoká He Hol Af Iđiny Kaanaká

¹⁹ Aalé mu úba balashá eedhdhe, Waag gielmít hol ˈdú nieká balashá eiy ˈgey, gáál shie, kieye, Hééllá gón chia ˈdaakíchoka yú ka sillieká. Hééllá eekemeyyíe, ye táb ki ˈduoˈdodhíe, muí gáál yie.

Lúka 22:19 ပူးပေါင်းရင်းမြစ်များ

Matááyo 14:19

Aalé Yíésu gálaat geey, giri gaal les yíéđianká. Aaléka, mu balasha giri chenká ubaa beeny giri naamaká eedhdhe, úr gaa dhaay, Waag ˈgielmít hol ˈdú nie. Mu balashá eiy ˈgiˈgidhie, lalille shie, lali hí gálaat eiy gise.

Matááyo 15:36

Yíésu balasha tiiyaká ubaa beeny giriká eedhdhe, Waag ˈgielmít hol ˈdú nie, balashá eiy ˈgiˈgidhie, balashá lalille shie, lali hí gálaat eiy gise.

Lúka 22:17

Aalé mu kulu ˈduuny vinna hí gaa ijeká eedhdhe, Waag gielmít hol ˈdú nieká kieye, Kulúúllá eedhdhíe, hol ki ˈjía.

Lúka 22:20

Golol he gáál gaa đueká mu geđi kulu ˈduuny vinna-, hí gaa ijeká eedhdhe, gáál geey, kieye, Kulúúllá he he hol af iđiny kaanaká. Hé hol af iđiny kaanáállá fás chia ˈdaakíchoka okodmootká ˈdaalle he ká naata.

Lúka 24:30

Aalé af giri gaal gólol gaa yíéđieká, mu balashá eedhdhe, Waag gielmít hol ˈdú nie, balashá eiy ˈgey, gáál shie.

Yuána 6:23

Aalé kadis ény Tiberiados gáá chimie-, ál Yíésu hí Waag gielmít hol ˈdú nie-, gálaat hí balashá gaa koeyká malgle ˈjobínt ki ˈdiiyye.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Korínto Erká 10:16

Af giri Máá kúnnaa Guđoká gólólleka kulu ke he gaa igian-, ke Waag gielmít hol ˈdú nannuoká, muun hé ke fás Kiristo gálle má yéen? Héétí, ke balashá eiy ˈgieˈguo-, ke kokuoká, hé ke gón Kiristo gálle ma yéen?

Korínto Erká 10:4

Héétí gaal lulle úba hé imi tikiˈde-, urietká ˈjie. Hé imi uriet kinaallá nyátáábá uriet-, gáál hol ˈgie-, hol ˈgar sesemeká he yé gáá ˈdie. Nyátáábá kinaallá íín he Kirísto.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 4:25

Hágar úba he hát Gúm Sanai giri lés Arabia gaa yaalká. Hágar ubaa umlé géde-, gálaat hí he ki mumureká he hát ˈjien Yerusalem-, gálle hemuumurít gim gaa ijóóllá.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Dhesaloníke Erká 5:18

Yaalmisano lullé hí gaa iđaká ˈdaalleka, Waag gielmít hol ˈdú naannáa, ˈdaa giri hééllá ˈdaa Yiesu Kiristoka Waag hí ki feˈdoká.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.