Lúka 22:16 - Fayam Midhab Yiesu Kiristoká He Hol Af Iđiny Kaanaká

¹⁶ Tá yú hí geeye, yáá geđ ˈjiláállá gólólle ma kokony, ˈdaab ˈjiláállá hélle Guch Waaˈgiet ma gaa ˈduwânyká, Yíésu hí gáál yie.

Lúka 22:16 ပူးပေါင်းရင်းမြစ်များ

Lúka 12:37

Gál gédeká máállé guđoká hol ká nadheka, íín in bano-, karaf gaa ˈgieka, ger haí gaa meedhe. Hé ˈdúwaká yú hí geeye, máá guđo kinaallá đafaraam gede hí ˈguoká hai higita, gáál kara ˈguomietká álle hai iđimia, gáál hai golmia.

Lúka 14:15

Gál Yíésu hol ˈgar golmoteká mú tikiˈd ˈdeenyéél maaleká Yíésu geey, kieye, Máá Guch Waaˈgiet gólólle gololsotká ebá Waag hí ˈdú ˈjiiy! yie.

Lúka 22:15

Aalé mu gáál geey, kieye, Yú hátlé ma manyjányallá yáá tág gólól ˈjilaalloká ke hol ˈgar kokuoká fedo.

Lúka 22:18

Yú hí geeye, ˈdaab Guch Waaˈgiet ma ka chímenká yáá saano vinnáállá ˈduunyle geđ ma igiminy, muí gáál yie.

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

He Ekeny Gál Alb Fimiká 10:41

Mú hé gálaat lulle hí ma árginy. Nyííni giri kis Waag nyí waarate-, hé nyí il ki argiyyeká nyí hogotoká tákáma nyí mú argiyye. Gál kinaallá he nyííni giri mu uushich yé gáá ˈdieká nyí mú hol ˈgar gololsote-, mú nyí hol he ˈgar iiyyeká.

Kí Edhesiny 19:9

Aalé máá giri ˈgasso-, urruká ye geey, kieye, Hééllá warˈgát gaa véer: Gál Eliny hí gólóllé eenká kí vieká ebá Waag hí ˈdú ˈjiiy! yie. Mu geđi ye geey, kieye, Hééllá he ˈdeeny ˈdúwa-, Waaˈgietká, yie.