Lúka 21:37 - Fayam Midhab Yiesu Kiristoká He Hol Af Iđiny Kaanaká

³⁷ Yíésu aadh lulle ˈBíl Waaˈgieto álle gálaat he gaa oonisie, tá a ˈdaa gelgaká gúm gaalí Gúm Saano Salabká yegetká állé he mé nannie.

Lúka 21:37 ပူးပေါင်းရင်းမြစ်များ

Matááyo 21:1

Aalé Yíésu ubaa lalille he Yerúsalem kí ˈjobondhe-, ény Beđefege gúmlé gaalí Gúm Saano Salab-, yegetká álle ka ˈdoyká, mu lalille naam ali fie,

Matááyo 21:17

Aalé Yíésu đo gáál in ká kie, ˈjien Yerusalem yé gaa ˈdie, ény Bedhene mé nie, ál kinaal gaa rafe.

Matááyo 26:30

Aalé gaal áár ˈdoyká đo yíé ˈdie, Gúm Saano Salabká álle mé nie.

Matááyo 26:55

Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Márko 11:12

Bííy éíy taaka ka biˈde-, gaal Bédhene gáá kieká, Yíésu geer hí gaa boloy.

Márko 11:19

Aalé aadh he gaanateká Yíésu ubaa lalille ˈjien gaa kie.

Márko 14:49

Bar lulle yú ˈBíl Waaˈgiet gálaat he gaa oonisuoká afo ke hol ije, tá har hí ye ál kinaal má gaa ˈgiliˈganya? Aalé káána hé Warˈgat Waaˈgiet hí hoteká hátlé kinaallá ˈdúúw hai yeedhe, yie.

Lúka 19:29

Aalé mu ény Beđefege ubaa ény Bedhene giri gúmle gaalí Gúm Saano Salabká yegetká kí ˈjobondheká, mu lalille naam ali fie,

Lúka 19:37

Aalé mu Gúm Saano Salabká ˈgíérích hí gáá leledho-, Yerúsalem seseenká állé kí ˈjobondheká, nyésébích guđo láli mú hol ˈgieká ger hí gaa meedhe, ˈdaa giri gaal hé burnay-, gálaat hí af ˈdaˈdabo-, muí eekemeyká bar lulle aargireká. Gaal Waag af gaa guđoká ki meey,

Lúka 19:47

Mu aadh lulle ˈBíl Waaˈgieto gálaat ˈdéé gaa oonisie. Aalé gál guguđo-, suoryoká, ubaa gál nyatalaamká, tá é karulle Yíésu ooslé yegeská hol geey.

Lúka 22:39

Aalé Yíésu ˈjien yé gaa ˈdie, hátlé aađaká Gúm Saano Salabká mé nie. Mú lalille úba mú el gaa veere.

Yuána 12:1

ˈJila máá ˈgasso-, urru-, Waaˈgietká hí gáál ˈdug gaa nadheká mé gáá koonle ram le hí ka ˈgisateká Yíésu Bédhene álle Lasááro hí gaa ijoká ki ˈjie. Lasááro he máá Yíésu hí uushich yé gáá ˈdeeyká.

Yuána 18:2

Yúúˈdas giri gál Yíésu oosle ˈguoká Yíésu ˈdu gáá egewká hé ál gaalí sedhe kinaal onnoy, ˈdaa giri Yíésu ubaa lalille ál kinaal af burnayká hol ˈdú sesemeká.

He Ekeny Gál Alb Fimiká 1:12

Aalé gaal Gúm Saano Salabká hol gáá nadhe, Yerúsalemle mé nie. (Sieny kinaallá he sieny mé gaaw-, gáál nyátálleka gaalí Kúlích Hef ˈGisanká gaa seseenká.)