Lúka 21:36 - Fayam Midhab Yiesu Kiristoká He Hol Af Iđiny Kaanaká

³⁶ Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Lúka 21:36 ပူးပေါင်းရင်းမြစ်များ

Matááyo 24:42

Aaléka, met hí ˈdú ˈgie, yáá Máá kíchia Guđóóllá kúlích gáá ˈjeˈjeenká ití muog.

Matááyo 24:43

Tá máá ˈbíl léká kúlích máá buraalléká hí gáá yiimetká onnônyka, mu hát me hí ˈdú yaal-, ˈbílle máá hí el fufuro-, hí gaa buruanká mánká it óg.

Matááyo 24:44

Aaléka, itín úba tagano ˈdée! Yáá Iny Máádhátallá aadh ˈgás hí ye ki muogká ha gáá ˈjeeme, Yíésu hí gáál yie.

Matááyo 25:13

Aalé Yíésu hibéél beeteká, gáál geey, kieye, Itín úba tág ˈdée, Máá kíchia Guđoká kúlíchlé gáá yiimetká ubaa aadh ˈgáslé gáá ˈjeenká it muog, gáál yie.

Matááyo 26:41

In eiy ˈdeeyyíe, Waag vitíe, giri hí hé ˈdeewká ekenyle hol ma kí haađinyká. Hodhin hí he feˈde, kor gon hí he má uˈduáte, muí gáál yie.

Matááyo 8:20

Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Márko 13:33

Biiy ˈdeeˈdemíe, haí mé les ki gân! Hééllá lulle kúlích ali kí ˈdeˈdeenká ití muog.

Márko 13:37

Hé yú hí geđúóllá gálaat lullé úba yú geđia, Mé les gaa ée, yú yeedhe, Yíésu hí gáál yie.

Lúka 1:19

Aalé máá ˈgasso-, urru kinaal mú geey, kieye, Yú he Gáburiel, giri Waag innumle gaa yaalká. Yú Waago ko ye ali ˈdu gáá kaayye, giri ko fayam midhaballá shiguoká.

Lúka 18:1

Yíésu lalille hát hibietká geey, giri gaal Waag aadh lulle vivisat-, ma giinanyká.

Lúka 20:35

Tá gál Waag hí gál ˈdúwaká ka dhaˈgasannoká bár ˈdaatika af giri gálaat uushim yiem gáá ˈdeˈdeen-, luolmit biiyoká higiloká hé af kinaallá hol ma shugunan,

Lúka 21:35

Kúlích kinaallá gálaat lullé les gaa ijoká hai ˈdú chiirata.

He Ekeny Gál Alb Fimiká 10:2

Mu ubaa umle he gál ˈdúwa Waag kikiatká. Mu gál Yuuˈdi-, he maamanká he shigie, bar lulle Waago he vivite.

Korínto Erká 16:13

Aaléka, in banáa, iiy yeenkícho tagano gaa ˈgée, nyaa liledhíe, fargoogóo.

Korínto ki Naamaká 4:14

Nyiin nyí fayamééllá ˈdiyeennóóllá he ˈdaa giri Waag Máá kúnnaa Guđo Yíésu hát uushich yé gáá ˈdeeycheká nyí ógká. Hát tikiˈde Waag Yíésu uushich yé gáá ˈdeeychééllá in úba muun gáál uushim yiem gáá ˈdeđicha. Nyiin ubaa itín hát gáál metle gaa iđimisatoká nyí og.

Kolosááya 4:2

Waag viivitíe, hí Waag vivisataká kaskícho hí in banno, Waag gielmít hol ˈdú naannáa.

Dhesaloníke Erká 5:17

Waag viivitíe.

Tímote ki Naamaká 4:5

Tá kúún, he met lulle ˈdaalleka, kas midhabká ˈgab, manyjany mé ki chírso, Fayam Midhaballá gálaat gééđish, hújích Waag hí ko shiichééllá hát ˈdabaanká náánnaʼ.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 11:4

Gál naamáállá he hát ˈguor saano salab-, naama-, ubaa hé nyátáá hí ˈdú iđo-, naama-, Máá Guđo les lulle léká met gaa yaalká.

Kí Edhesiny 6:17

Kúlích gáál idholle ka chiimetoká hé ali kí ˈdiiyye! Mááya idhóóllá met ki ˈdeˈdeenká ura? gaalí yie.

Kí Edhesiny 7:9

Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.

Kí Edhesiny 8:2

Aalé gál ˈgasso-, urru-, tiiya-, aadh lulle Waag met ˈgieká yú arge. Gáál gaalí faˈd tiiya eiy taat shie.