Lúka 21:34 - Fayam Midhab Yiesu Kiristoká He Hol Af Iđiny Kaanaká

³⁴ Hol ˈdeeˈdemíe, haí gál he dhir eiy ki babaatká ubaa gál bersh hí fafaannoká chéen, hí hé lesalloká ˈgar kirísan, kúlích kinaal hátlé hí met muogká ali kí ˈdíiny.

Lúka 21:34 ပူးပေါင်းရင်းမြစ်များ

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Márko 13:9

Tá itín hol ˈdeeˈdemíe, ar ha gaalí fafaa, ény ˈdiiyiminyká ha gaalí gaa tuuna. ˈDaachú ˈdugaka gál kaansúoká ubaa gál les met ki ˈgieká ha gaalí ˈdú egee. Gál kinaallá metle ˈduuwchú haí gaa hogoto.

Márko 4:19

kor gáál tawuny lesalloká haí ká hille, gáál kamur lesalloká haí laate, gaal hé burnayká he fede. Hát ˈguor híí ˈguo-, hirís bolosíélláka, hééllá lulle gálaat ger hileka, in gaal ˈdéé nee ma kokony, hát Waag hí feˈdoká el ma gaa igiriny.

Lúka 10:41

Aalé Máá Guđoká mú ˈdéé hol ˈdú nie, kieye, Márta, Márta, kúún hé burnay tág nanniyyóóllá ko ˈgorosie, ko geer gaa ˈdeew.

Lúka 12:40

Hát tikiˈdéél itín úba tág ˈdée! Iny Máádhat aadh ˈgás giri itín hí ki muogká hai gáá ˈjeeme, Yíésu hí lalille yie.

Lúka 17:3

Hol ˈdeeˈdemíe! Nyárkú har ađááb hileka, a taʼ. Mu har ađaablé hileká ˈdeentle kimite-, Waag makan ˈjieka, mú ˈdú ˈjé.

Lúka 21:35

Kúlích kinaallá gálaat lullé les gaa ijoká hai ˈdú chiirata.

Lúka 21:8

Yíésu kieye, Hol ˈdeeˈdemíe, ha gaalí nyimísan. Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Héétí muuninyka, Ram hé hol kí beeyye, hai yeedhe. Tá itín haí gáál el gaa véériny.

Lúka 8:14

Ár ál híí ˈgayyoká ki okoˈdeká hélle he hát gál ˈdeeny Waaˈgiet maalo-, kor biiy hol ki sieteka, kamúr ubaa balchá, tá hé lesalloká gerle hí gaa ˈdeew-, he ˈgar aayaˈgoká. Gál kinaallá hé ˈdeeny Waaˈgiet ma ki higirany.

Korínto Erká 5:11

Hé yú hatallá ki yieká, he kieye, haí máá hol máá Kiristo yeget-, kor herginy ađááb ˈgayyoká gaa seseme yíekaʼ, he lúl hol ki fede yíekaʼ, waagam hódhoká vivita yíekaʼ, gálaat egesheye yíekaʼ, bersh hí fafaanne yíekaʼ, buruma yíekaʼ, gál hatallóóllá haí hol ˈdônyo, yú yegedhe. Máá hatallóóllá haí úba hol ˈgar golmóson.

Korínto Erká 6:10

Héétí gál buraalléká, gál he lulle hol ki feefedoká, gál bersham hí fafaanká, ubaa gál gálaat meet ˈdeđeneyoká, tá gál gálaat he fargogínt af ki ririatká, gál hatallóóllá úba hé Guch Waaˈgiet ma higiliny.

Galátia 5:20

héétí hé Waag muuninyká visan, gil ka he ním ˈgany, nebíti, hol af ká điiny, hinááf ˈgany, idho hol gáá mony mánká, hol he ki fedíti, hol eiy gaa ˈgiiˈgidhiny, he onisiny hódhoká,

Filíbi 4:6

Ha hé mákártaká gerle hí gaa ˈdeenêny, tá he lullé il hí aargiˈdoká héllé hí rogononnoká Waag ˈdú eegedhíe, Waag viivitíe, Waag gielmít hol ˈdú naannáa, hé hí Waag gaa feˈdoká heegetíe.

Héberew 12:15

Tagkícho ˈdée! Máádhat hai Waag el af gaa táminy, ˈdúˈjím Waaˈgiet ˈdábiny. Hurtkícho hai ˈgór heđeʼ-, gáál shalal fafuo-, gál burnayká ˈdeđeneyoká hí gáá ˈdíiny.

Bétiro ki Naamaká 3:10

Máá kúnnaa Guđoká kúlíchlé gáá ˈjeˈjeenká hát kúlích ki met muog-, máá buraalléká hí gáá ˈjeˈjeenká. Ur hai yaarma, mán hai yeedhe. Les ubaa héllé hí gaa ijoká lulle ˈjiet haí ˈjeenne, ˈjiet af haí ki shugunata.

Bétiro ki Naamaká 3:14

Aaléka, sheel chia yú gielallo, ˈdaa giri hí hééllá met egetoká taalle laađamíe, giri kúlích ka chiimetóótíá hí Waag met ki ˈdeenno-, hí geer ka ˈjakarany mán-, Waag hí gál saas ubaa ˈdeensen mánká ka dhaˈgasannoká.

Kí Edhesiny 3:3

Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.