Lúka 20:6 - Fayam Midhab Yiesu Kiristoká He Hol Af Iđiny Kaanaká

⁶ Héétí, Gálaato yé gáá ˈdiiyye, ke yieka, gálallá lulle waar hai gáál ki tuuna, ˈdaa giri gálaat lulle Yuána hát máá Waag hí ˈdeem ka shigicheká ógká, gaalí hol yie.

Lúka 20:6 ပူးပေါင်းရင်းမြစ်များ

Matááyo 11:9

Tá meete hí ˈdú siete, hí aargiˈde? Máá Waag hí ˈdeem ka shigichokâ? Hé ˈduwa! Tá yú hí geeye, Yuána kinaallá hé gál Waag hí ˈdeem ka shigicheká lulle ˈdú ˈdúwa.

Matááyo 14:5

Heróˈde đo Yuána yegieská he fede, kor gálaat kiadhe, ˈdaa giri gálaat Yuána hát máá Waag hí ˈdeem ka shigicheká ka dhaˈgameká.

Matááyo 21:26

Har ke kieye, Gálaato he yé gáá ˈdiiyye, ke yieka, gálaat ˈdaa giri lulle Yuána hát máá Waag hí ˈdeem ka shigicheká onnoyká muun gáál he má ki ekemeyo? gaalí hol yie.

Matááyo 21:46

Aalé gaal ˈgíérích Yíésu ki ˈgiiliˈgawká hol gaa ˈgeˈgedhe, kor gaal nyesebich kiadhe, ˈdaa giri nyesebich Yíésu máá Waag hí ˈdeem ka shigichoká ka dhaˈgameká.

Matááyo 26:5

Gaal úba kieye, Mú ha ke ˈjila afle gaa ˈgiliˈgâny, gálaat shalal ˈdisíiny.

Márko 12:12

Aalé gál giri guguđoká hib Yíésu hí hogodhééllá hát hí ˈdaalle ki tielká onnoyká Yíésu ˈgiiliˈgayká fede, kor gaal ˈdaa giri nyésébích Yíésu af nee kokoyká kiadheká mú hay, ali gaa sedhe.

Lúka 1:76

Kó veel chial, kúún Waag Úr Iđoká máállé ˈdéé ka shigichoká cheedhe. Kúún Máá Guđoká met ha naata, mú ˈgíéríchle met tág ha kooyyo.

Lúka 20:5

Aalé gaal tákámle hol heegete, kieye, Waago yé gáá ˈdiiyye ke yieka, mu hai gáál ká hegete, Tá háteka hí mú af iiy ma chéenal? ha muí gáál yeedhe.

Lúka 20:7

Aalé gaal mú ˈdéé hol ˈdú nie, kieye, Mú bie gím nímle állé yé gáá ˈdiiyyeká nyáá nyí muog, gaalí mú yie.

Lúka 7:30

Gál Farisaay ubaa gál nyatalaamká Yuána hí bie gim nannuoká iiy ma yéenká íín hé Waag hí ki feˈdeká điidhe.

Yuána 10:41

Gál burnayká mú ˈdu gáá yimie. Gaal hol geey, kieye, Yuána hé gálaat af ˈdaˈdabsuo-, ekeyká mán, kor he lullé ˈdaa maallo-, he huogodheká hé ˈdúwa, gaalí yie.

He Ekeny Gál Alb Fimiká 5:26

Aalé máá giri ˈBíl Waaˈgiet gállé hí ˈdeˈdemeká mé ki yielká ubaa yuoyle đo hol eedhdhe, gál alb fimi kinaal ká eedhdhe. Gaal hé gáál hát fargogintiká ma ka shúúnan, ˈdaa giri gaal gálaat kiadhe-, gálaat waar hai nyí kí tuuna, yegieká.