Lúka 20:36 - Fayam Midhab Yiesu Kiristoká He Hol Af Iđiny Kaanaká

³⁶ ubaa hé geđi ma kufuminy. Gaal hát Waag gállé ˈgasso-, urruká hai yeedhe. ˈDaa giri Waag gáál sidham hol ˈdú niiyye-, gáál uushim yiem gáá ˈdeeycheká gaal he um Waaˈgiet.

Lúka 20:36 ပူးပေါင်းရင်းမြစ်များ

Matááyo 22:30

Af giri gálaat uushim yiem gáá ˈdeˈdeenká hé máá níínní egeet-, ubaa gaalí egeetká mán. Af kinaallá gaal hát Waag gállé ˈgasso-, urruká hai yeedhe, gaal hé ma shugunan.

Márko 12:25

Gál kufeká af giri uushim yiem gáá ˈdeˈdeenká hé máá níínní egeet-, ubaa gaalí egeetká mán. Af kinaallá gaal hát Waag gállé ˈgasso-, urruká hai yeedhe, gaal hé ma shugunan.

Róóma 8:16

Hím Naasan Waaˈgiet ubaa sidhamkúnno hát múún gon ke um Waaˈgietká hé gáál geđicho.

Korínto Erká 15:26

Kufach he kídhích muí biiy el ˈdaˈd mán gaa hođuoká.

Korínto Erká 15:42

Gál kufeká Waag hí uushim yiem gáá ˈdeđichoká yaalmisanolle úba hát kinaallá. Gón gálaat gaalí ˈgoˈgodhóóllá he gón mooˈdoyyoká, tá gón gál Waag hí uushim yiem gáá ˈdeđichoká hí aargiroká he gón ma kufuminy-, ma mooˈdonyká.

Korínto Erká 15:49

Hát yaalmit máá Waag hí eeˈd tág gaa niiyyééllá yaalmitle káána ke ˈgúóllá, in aadh ˈdaatika, Máá úr gáá yimíéllá yaalmitle ke kaadhdha.

Filíbi 3:21

Mu ííni gón kúnnaa les higillóóllá hol gaa laama, giri gónkúnno hát mú gónlé ˈdúúw ˈgayyoká chegetoká. Fargogint muí hééllá ki ekemeyoká he fargogint tikiˈde muí he met lulle gim kí fafaat-, muí he gaa mumuroká.

Kí Edhesiny 20:6

Máá uushim yé gáá ˈdím erkoballá gaa ijoká ebá Waag hí ˈdú ˈjiiy! Mu he Waag máállé. Gálallá hé kúfách ki naamaká hí fargogintle mán, gaal Waag ubaa Kirísto gállé hí hujich ki nannuoká hai yeedhe, warram shíí tikiˈd Kirísto he ˈgarro hol mumura.

Kí Edhesiny 21:4

Waag gáál imiro lulle hai gaa shugudmicha, tá ˈdaa giri hé kissoká beeyká, biiy hé geđi kúfach mán, héétí biiy hé buony ubaa shiilmisan tá gon bólo mán, ˈdéé hót hí chie.

Kí Edhesiny 22:9

Kor mu ye geey, kieye, Ha hééllá ekêny! Hát káána kúún ubaa gál kua nyaaram-, Waag hí ˈdeem ka shigichééllá ubaa gál warˈgatééllá ˈdeenyle iiy yie-, el gaa igiróóllá hí Waag gede lééllá, yú úba he Waag gédéchlé. Waag tákámle méesh, yie.