Lúka 20:35 - Fayam Midhab Yiesu Kiristoká He Hol Af Iđiny Kaanaká

³⁵ Tá gál Waag hí gál ˈdúwaká ka dhaˈgasannoká bár ˈdaatika af giri gálaat uushim yiem gáá ˈdeˈdeen-, luolmit biiyoká higiloká hé af kinaallá hol ma shugunan,

Lúka 20:35 ပူးပေါင်းရင်းမြစ်များ

Matááyo 12:32

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet ˈdeeny ˈdeewká ki hodhoká, ađaablé he hílééllá hé bííy kaanalloká ubaa bííy biraamiet ka chiimetóótíá Waag hí ma haađiny, Waag mú ˈdéé hai ki iđimicha.

Matááyo 22:29

Aalé Yíésu gáál ˈdéé hol ˈdú nie, kieye, Itín Warˈgat Waaˈgiet ˈdeenyle ubaa Waag fargogintle ˈdaa giri hí muogká in hí hééllá ˈdeeneyche.

Márko 10:42

Aalé Yíésu gáál lulle hol ˈdú vie, kieye, Ití óg, kidh gállé kaansúo-, hí met ki ˈgieká hí he ki mumura, in hí guguchle aargisia.

Márko 12:24

Aalé Yíésu gáál geey, kieye, ˈDaa giri hí Warˈgat Waaˈgiet ubaa fargogint Waaˈgiet ki muogká, in hí hééllá ˈdeeneyche muunîny?

Lúka 16:8

Aalé máá giri guđoká máá hí aanyle mé ki yiel-, aany ki aaˈdumeká hinyamlé koy kinaal meey. Gál lesalloká hé ˈdaalim gállé lesalloká hurt ki seseenká ˈguo. Gál édhúm Waaˈgiet gaa ijoká íín hé ˈdaalim hatallo-, gál lesalloká hurt ki seseenká mán.

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Yuána 5:29

yiem ká ˈdeˈdeen-, gál hé ˈdabaanká eekemeyká rubach aargiro-, gál hé ˈdeđewká eekemeyká íín ˈdéé ki iđiny il hí aargiˈdoká, Yíésu hí gáál yie.

He Ekeny Gál Alb Fimiká 24:15

Yú úba hát tikiˈde gaal íín hí Waag iiy yíéllá Waag iiy yie, giri gál saas mánká ubaa gál saas ˈguoká met hullaalle Waag hí uushim yiem gáá ˈdeđichoká.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

Dhesaloníke ki Naamaká 1:5

Hééllá lulle Waag he hol eiy gaa nímle hát tagléká he gáál ká aargisia. Waag itín gál ˈdúwa-, hí Guchle higiloká hí ká dhaˈgasanna. Mú Guchlééllá ˈdaalle ˈdugaka in hí maanyjayya.

Héberew 11:35

ˈDég ˈdaa iiy yeenleka, gállé kufeká hé Waag hí luolnoyche, Waag hí hol ˈdú niiyye. Tá gáál ˈbaal hé gaalí manyjasie, gaalí yegies. Mé furit gaalí gáál mé fufuro-, gaal Waag el af gaa tataanká hé gaalí điidhe, giri gaal luolmit ˈdúwa-, biiyoká higiloká.

Kí Edhesiny 3:4

Tá gál kíchia ˈbaal Sártis gaa ijóótíá đafaraamle hé ma muˈgâny. Gál kinaallá ˈdaa giri ki ˈdúwaká in đafaraam eegedh-, yú fadhdhééllá úba faadhdha, nyí hol ˈgar seseenne.