Lúka 2:37 - Fayam Midhab Yiesu Kiristoká He Hol Af Iđiny Kaanaká

³⁷ Min hiyesím gaa yíéđiyye, ˈjíig arram úba hí tomonaam síet a afur chie. Min hé bar lulle ˈBíl Waaˈgiet álle ma gaa lalany. Min kulich ubaa chúúre ál kinaallá gaa iđe, Waago vivisate, héétí afo úba he higisate.

Lúka 2:37 ပူးပေါင်းရင်းမြစ်များ

Lúka 5:33

Aalé gaal Yíésu heete, kieye, Háteka Yuána lalille af burnayká af ki higisat-, ubaa Waag vivisat-, lali gál Farisaayká úba hát tikiˈde kinaal ˈdeˈdeen-, tá lalikú íín taalle he kokonyo-, ubaa he igianal? gaalí mú yie.

He Ekeny Gál Alb Fimiká 13:3

Aalé gaal Waag vite-, ubaa af hiteká gaal Barnábas ubaa Sáwul gil ˈdú fie, gáál Waag ki vie, gáál ali fie.

He Ekeny Gál Alb Fimiká 14:23

Báulo ubaa Barnábas aflé higite-, Waag viviteká gál Kiristo ˈjien kinaallo-, alb hí hol ka eiy eiyyeká gállé hí met ki ˈdeenká le gaa shuune. Gaal Máá Guđo Yíésu he iiy yieká gáál gíl geer fie.

He Ekeny Gál Alb Fimiká 26:7

Hé Waag hí eshim eshimkínyo af iđiche kinaallá in é met kínyia Yisirayel-, tomon a naamaká hí ali kí ˈdímle egete. Hé kinaal gaalí egesoká in chúúre ubaa kúlíchle gaal Waag hát ˈdabaanká vivita. Máá guđo, he he esiny chiallá in gál Yuuˈdi ye ˈdéé af kaay.

Tímote Erká 5:5

Min hiyesidhe-, gál hí wawayo-, mán-, ˈdúwaká Waago he bala ˈdú niiyye, kulich ubaa chúúrélle Waago gil ki egefiyya, vivisata.

Kí Edhesiny 3:12

Máá hé lesalloká ká adhatká Waagchú ˈbílle aarlé hí guogoyoká áár tikiˈd ha yú hođia. Mu hé geđi ˈbíl kinaallá yé ma gaa ˈdeeminy. Tá mú Waagchú meenyle ubaa Waagchú ˈjienle meenyle ha yú gaa verene. ˈJienééllá he Yerúsalem kaana-, Waagchú gáá chiimet-, úr gáá leletoká. Héétí meeny chia kaanaká úba ha yú mú gaa verene.

Kí Edhesiny 7:15

Hééllá ˈdugaka in gaal kara guchi-, Waaˈgietká met ˈgee. Gaal Waag hújíchle ˈBíl Waaˈgiet kulich ubaa chúúrélle gaa nannaa. Waag karallé guchi-, ˈdú iđóóllá gáál hai buanna.