Lúka 2:34 - Fayam Midhab Yiesu Kiristoká He Hol Af Iđiny Kaanaká

³⁴ Símion gáál ˈdú ˈguunume, kor véel ˈjiellé María geey, kieye, Bá dháash, veelééllá ˈdaalle ˈdugaka gál Yisirayel burnayká les hai ˈdarama, gál Yisirayel éíy taaka burnayká les hai gaa keeme. Veelééllá he hedh gaalí điidhan-, gaalí ˈdeem ˈdeđewká ki hogodhoká,

Lúka 2:34 ပူးပေါင်းရင်းမြစ်များ

Matááyo 11:19

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká gálaat hé hol geđuoká kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! he ye yegedhe. Tá ˈdaalim Waaˈgiet hát ke kiimisatká he hé midhab ˈdaalim kinaal hújíchle yé gáá ˈdeˈdeenká, Yíésu hí gáál yie.

Matááyo 12:46

Yíésu hátlé nyesebich geđieká mú ˈjielle ubaa mú nyaaramle ká yimie, baaˈd kí ˈdie, gaal mú hol geđieká he fede.

Matááyo 21:44

[Máá wárallá ˈdú ˈduoká hai ˈgeeˈgee, tá máá wárallá hí ˈdú ˈduoká hai ˈbiirteedhe, Yíésu hí gáál yie.]

Matááyo 27:63

kieye, Máá guđo, he tikiˈd hé nyí táb ká ˈjie, máá giri hódho lé-, Yíésu léká hé urgúa hogodhoká kieye, Yú kufeka, kúlích ki seđeká uushich yé ha gáá ˈdeeme, he yegie.

Lúka 2:35

giri gál burnayká tawunylé ger ka ˈguoká gaalí mamaloká. Tá kúún geer hai ko gaa kaara, kul máálle hát máá gaalí naan veereká ki égká ha aargiˈda, muí María yie.

Yuána 3:20

Máá hé ˈdeđewká gaa seseenká hé édhum néb, hé édhum álle yé ma kí ˈdeˈdeminy. Hééllá he ˈdaa giri mu héllé ˈdeđew-, he ekemeyoká ka eedhdhewká ma fedinyká.

Yuána 5:18

Aalé ˈdéé hótéél ˈdugaka, gál guguđo-, Yuuˈdiká súm geđi hát lulle laađame, giri mú yegeská. He hé kieye, mu Kúlích Hef ˈGisanká tákáma hé hatallóóllá gaa ekey muuniny, he ˈdaa giri mu úba Waag ˈJaalle yie-, Waag hol tikiˈd hoyká.

He Ekeny Gál Alb Fimiká 13:45

Aalé gál Yuuˈdi ˈbaal nyesebim argeká, gáál hinááf hí faanne, gaal ˈdeeny Báulo hí hogodheká af ki ˈjierte, ˈdéé fichile.

He Ekeny Gál Alb Fimiká 17:6

Aalé gaal he gáál ˈdabeká gaal Yáson ubaa gál nyaaram mare ká ˈgiiliˈgay, gáál ˈjien gállé hí met ki ˈgieká ˈdú eey. Gaal kúóˈd ˈdoy, kieye, Léskúnno hé gál les lúl ˈdeeneyká hí kí fame,

He Ekeny Gál Alb Fimiká 24:5

Máállá hát biiy ˈdeeneyká nyáá nyí kimisate. Mu hé gál Yuuˈdi les lulle gaa ijoká mángísle hol af maalít ká ridhdhe. Mu máá ény Nasaret gál hí el gaa veereká he mé ki yaalla.

He Ekeny Gál Alb Fimiká 28:22

Aalé hé geer kua nyí mamalla. Biiy lulle hé tág gál ˈgíéríchallá el gaa igiroká af ki eete, gaalí Báulo yie.

He Ekeny Gál Alb Fimiká 4:26

Gál kaansúo-, lesalloká hé tagano ˈdie, tá gaal hé hol ˈdú gáá yimie, Máá Guđo Waag ubaa máállé Kirísto hé ˈdú gáá rue chieká.

He Ekeny Gál Alb Fimiká 6:7

Aalé ˈdeeny Waaˈgiet ˈjien Yerusalem bash ki yie, gál burnayká ˈdéé iiy yie, gaal lali Yiesu yie. Gál burnay-, suoryoká úba fayam Yiesúúl iiy yie, fayám el gaa veere.

Róóma 9:32

Tá háteka hemuumurit Waag hí gáál ka shiichééllá el gaa igiritle gáál gál ˈdúwaká innum Waaˈgiet ma gaa hónyal? Hééllá he ˈdaa giri gaal hemuumurít hélle ekemeyká fede-, kor gaal Kirísto iiy ma yéenká. Gáál hé wár gálaat ˈgas mé ki ˈdaraanká hí riigirsie,

Korínto Erká 1:23

Tá nyíín Kirísto gaalí ˈgór đarám yaalká ˈdú yieská nyí ˈdiyeenne. Fayamééllá he fayam gál Yuuˈdi iidhansicho-, gál Hellen íín hí hé đeeymo ka dhaˈgasanká.

Héberew 7:1

Máá Melkíseˈdeg lééllá he máá kánsích Salem ubaa Waag Úr Iđoká máállé suoryo-, onnoyká. Máállá he máá Abirááyam af giri gál kaansúoká hol yies-, mu gáál ka adhdhe-, tá ka gagalleká mú hol met kí ˈdoy-, mú ˈdú ˈguunumeká.

Héberew 7:7

Hé fálaam mán-, ke ógká, he kieye, máádhat máá hí ˈdú guđoká in hí ˈdú ˈgunuma.

Bétiro Erká 4:14

ˈDaa giri Hím Naasan Waaˈgiet ˈdúúw ˈgayyoká hí buanneká, har gaalí meeny Kiristo ˈdaalle ki chaachareka, it Waag hí ˈdú ˈguunuanne.