Lúka 2:25 - Fayam Midhab Yiesu Kiristoká He Hol Af Iđiny Kaanaká

²⁵ Aalé mú tikiˈd máá Yerúsalem gaa ije mare meenyle Símion. Máá kinaallá máá Waaˈgiet. Mu ˈgíérích ˈdúwa-, saas mánká he gaa igire. Mu máá gál Yisirayel imiro gaa shugudmuoká he met egese. Símion Hím Naasan Waaˈgieto hí gaa iđe.

Lúka 2:25 ပူးပေါင်းရင်းမြစ်များ

Márko 15:43

Aadh gaanateká máá ˈjien Arimataya-, gaalí Yúósef yegie-, gál arráká máállé ˈdúwa-, Guch Waaˈgiet ka chiimetoká úba met egeseká ká yimie. Máá kinaallá hát sierm mantiká Bilááto ˈdú sedhe, mú gón Yiesu ruogone.

Lúka 1:41

Elísabet tikiˈde naa Maria maalleká, đo veel hí geer gaa kiite. Aalé Elísabet Hím Naasan Waaˈgiet hí koch chie,

Lúka 1:6

Gaal hullaalle gál ˈdúwa-, Waag kikiatká. Gaal hé Máá Guđo Waag hemuumuritle ubaa atimle tikiˈd úba ma hâny, gáál úba hé gaalí ˈdú ˈdeensetká mán.

Lúka 1:67

Véel ˈjaallé Sakaría Hím Naasan Waaˈgiet hí koch chie, mu ˈdeeny Waag hí shiicheká ˈdiiyime, kieye,

Lúka 2:38

Aadh ˈgás tikiˈde Símion hí ˈdéé gaa hogodhe kinaal, min hiyesidhe kinaal ká chimie, Waag meeyche, Waag gielmít hol ˈdú niiyye. Min gál giri lulle Yerúsalem rímlé Waag hí ririannoká met egeseká véel fayamle geeđiche.

Lúka 23:51

máá ˈjien Arimataya giri lés Yuuˈdiaká hé ál kinaal úba gaa ije. Máá kinaallá Guch Waaˈgieto egese. Mu hé gál arraká hí mure-, hí ekemeyká iiy ma yéen.

He Ekeny Gál Alb Fimiká 10:2

Mu ubaa umle he gál ˈdúwa Waag kikiatká. Mu gál Yuuˈdi-, he maamanká he shigie, bar lulle Waago he vivite.

He Ekeny Gál Alb Fimiká 10:22

Aalé gaal mú geey, kieye, Nyíín máá yuoy kúˈd tikiˈd mé ki yaal-, gaalí Kornélios yeget mare nyí ali ká fie. Máá kinaallá he máá ˈdúwa-, Waag kikiat-, gál Yuuˈdi lulle hí memeyoká. Máá ˈgasso-, urru-, Waaˈgieto mú geey, giri mu ko ká kekero-, hé hogotoká muí mamaloká, gaalí mú yie.

He Ekeny Gál Alb Fimiká 2:5

Aalé Yerúsalem hé gál Yuuˈdi-, giri gál Yisirayel lé-, Waag kikiadhe-, les lúl gáá yimieká hé hí gaa ije.

He Ekeny Gál Alb Fimiká 24:16

In bar lúl yú lađama, giri yú innum Waaˈgiet ubaa innum gálaat ađááb hol ká ririatká.

Bétiro ki Naamaká 1:21

ˈDeem Waag hí gáál ka shigicheká hé kálta gálaat kasle yé ma gáá ˈdíiny. Gaal íín Hím Naasan Waaˈgieto hí af tatiyye, in ˈdeeny Waaˈgiet hogodhe.