Lúka 19:8 - Fayam Midhab Yiesu Kiristoká He Hol Af Iđiny Kaanaká

⁸ Aalé waaséél Sakááyo les gaa kie, Yíésu geey, kieye, Bá dháash, Máá Guđo, hé chia yú ˈguoká eiy ha yú ˈdarama, ˈdáá tikiˈd gál he maamanká ha yú shigia. Máá yú tág ki ˈdie-, yú he súm gaa guteká he a afurro yú he hol ˈdú nannaa, mú yie.

Lúka 19:8 ပူးပေါင်းရင်းမြစ်များ

Lúka 11:41

Aaléka, hé illam ger gaa ijoká gál he maamanká shía. Bá dhaayyíe, hát kinaallá in hát it gon ˈdug ubaa ger gaa ˈjiate.

Lúka 12:33

Hé kíchia hí ˈgayyaká birm hidhdhíe, birm gál he maamanká eiy gisáa. Shomodhaam kamur Waaˈgiet ma ˈgiˈginká dhaadhíe. Kamurkícho hí kamur biiyo urati-, ma bebeenyká cheet. Úratíá hé máá buraa léká ál hí ˈdú naatká mán. Kamur Waaˈgiet urati kinaallá hé guur níínní hí ˈdeđeneychoká mán.

Lúka 16:9

Yú hí geeye, kamur lesallóóllá sheel ki muráa, kamurééllá el me hí ˈgidhe-, sheel kinaallá hí hol úratí gaa argiyyeka, sheel ger haí gaa meedhe, lokoˈd haí kí goolo.

Lúka 19:7

Gálaat lulle héél argeká yiirsam fadhdhe, kieye, Mu hé máá ađááb ˈguoká ˈbílle sedhe, mú máállé dheeˈgo yie, gaalí yie.

Lúka 7:13

Máá Guđo Yíésu min argeká min geer hí ˈdú gudhdhe, min geey, kieye, Ha búony, yie.

Lúka 7:19

mu gáál Máá Guđo Yíésu ali ˈdú fie, giri mú gaalí ká hegeset-, kieye, Kúún he máá giri nyí met egete-, ká yiimetkáa, ebá máá éíyyo nyí met egete? gaalí mú hatal ka hegesetká.