Lúka 19:47 - Fayam Midhab Yiesu Kiristoká He Hol Af Iđiny Kaanaká

⁴⁷ Mu aadh lulle ˈBíl Waaˈgieto gálaat ˈdéé gaa oonisie. Aalé gál guguđo-, suoryoká, ubaa gál nyatalaamká, tá é karulle Yíésu ooslé yegeská hol geey.

Lúka 19:47 ပူးပေါင်းရင်းမြစ်များ

Matááyo 21:23

Yíésu ˈBíl Waaˈgiet geđi hile-, gálaat he oonisieká, gál guguđo-, suoryoká ubaa gál káruká hí heete, gaal kieye, Kansim mááya kuun hí hééllá ki ekemeyche? Tá mááya ko kansimééllá shie? gaalí Yíésu yie.

Matááyo 26:55

Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Márko 11:18

Gál guguđo-, suoryoká ubaa gál nyatalaamká héél lulle maaleká mú kiadhe. Gaal ˈgíérích he mú ki yegeská hol gaa ˈgeˈgedhe, ˈdaa giri nyesebich lulle mú he onisinyle af ˈdabeká.

Márko 12:12

Aalé gál giri guguđoká hib Yíésu hí hogodhééllá hát hí ˈdaalle ki tielká onnoyká Yíésu ˈgiiliˈgayká fede, kor gaal ˈdaa giri nyésébích Yíésu af nee kokoyká kiadheká mú hay, ali gaa sedhe.

Márko 14:1

Aaléka, ˈjila máá ˈgasso-, urru-, Waaˈgietká hí gáál ˈdug gaa nadheká ubaa ˈjila balashalle máá hí maat fafuo-, mánká rámlé ka ˈgisateká naama. Gál guguđo-, suoryoká ubaa gál nyatalaamká ˈgíérích điđamo-, he Yíésu ki ˈgiiliˈgaw-, tá mú ki yegeská hol gaa ˈgeˈgedhe.

Márko 14:49

Bar lulle yú ˈBíl Waaˈgiet gálaat he gaa oonisuoká afo ke hol ije, tá har hí ye ál kinaal má gaa ˈgiliˈganya? Aalé káána hé Warˈgat Waaˈgiet hí hoteká hátlé kinaallá ˈdúúw hai yeedhe, yie.

Lúka 19:48

Kor gaal ˈgíérích he mú ki yegeská ˈdabe, ˈdaa giri gálaat lulle mú ki mamade-, mú ˈdeenyle nee kokoyká.

Lúka 20:19

Aalé gál nyatalaamká ubaa gál guguđo-, suoryoká ˈdaa giri hibéél muí gáál ˈdaalle ki hodhe-, gaalí ógká, gaal ál tikiˈde kinaallá ˈgíérích mú ki ˈgiiliˈgawká hol gaa ˈgeˈgedhe, kor gaal gál mú af nee kokoyká kiadhe.

Yuána 10:39

Aalé gaal geđi mú ˈgiliˈgany gaa ˈgeˈgedhe, mu đo gáál mé af ˈgite.

Yuána 18:20

Aalé Yíésu kieye, Yú les ˈdeeny édhká geey. Yú bar lullé ény ˈdiiyiminyká ubaa ˈBíl Waaˈgiet-, gál Yuuˈdi-, hí hol ˈdu gáá yiimetká gálaat he gaa oonisie. Yáá ˈdeeny níínní hát shuolitiká huogodheká mán.

Yuána 7:19

Itín Móshe hí hemuumurit Waaˈgiet ma shíiny? Har úba hát kinaal kátaka it máá níínní hemuumurít ki yielká mán. Tá háteka hí ye oos ˈgayyáal? Yíésu hí gáál yie.

Yuána 7:44

Gáál ˈbaal mú ˈgiliˈganyo he fede, kor mú hé máá níínní hí đig yieká mán.