Lúka 18:32 - Fayam Midhab Yiesu Kiristoká He Hol Af Iđiny Kaanaká

³² Mú kídh gíl geer ha gaalí gaa kakaa, mú ha gaalí ˈdú kosolmo, mú he gaalí gaa ˈdeđia, sillam ha gaalí ki tuuna,

Lúka 18:32 ပူးပေါင်းရင်းမြစ်များ

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 20:19

Gaal kídh gíl geer hai ye gaa kakaa, giri gál kinaal ye ˈdú kosolon-, ye tuuˈd ki tuuno-, ye ˈgór đarám yaalká ˈdú yegeská. Tá kúlích ki seđeká sídhchú geđi hollo ye hol ˈdu gáá naata, uushich yé ha yú gáá ˈdeeme, Yíésu hí gáál yie.

Matááyo 22:6

Gállé hí gáá ˈgiteká máá kansichká gedellé kinaal ˈgiiliˈgay, gáál manyjasie, gáál yies.

Matááyo 26:67

Aalé gaal mú sillam innum ˈdú faafie, mú ˈdane, mú úba nee ger gaa tune,

Matááyo 27:2

Gaal Yíésu gil hiigidhe, mú máá Bilááto lé-, lés kinaal mé ki yielká ˈdú eedhdhe.

Márko 14:65

Aalé gáál ˈdáá tikiˈd mú sillam ˈdú faafie, mú in đafar gaa hidhe, mú tutumano ki tune, kieye, Máá ko ˈdoyká ebá ká hot! mú yie. Gál ˈBíl Waaˈgiet ˈdeˈdemeká úba mú eedhdhe, mú tune.

Márko 15:1

Bur biiy hátlé ka biˈdeká gál guguđo-, suoryoká ubaa gál káruká, tá gál nyatalaamká ubaa ar ˈdeem mumuˈdoká lulle hol ˈdéé af gáá maale. Gaal Yíésu gil hiigidhe, mú Bilááto ˈdú eey.

Lúka 18:33

mú tuuˈd ha gaalí ki tuuna, ha gaalí yeese. Tá kúlích ki seđeká sídhle hollo hí hol ˈdú naata, uushich yé hai gáá ˈdeeme, Yíésu hí gáál yie.

Lúka 23:1

Aalé karu lullé giri hol ˈdu gáá yimieká les gaa kie, Yíésu Bilááto met eey.

Lúka 23:11

Aalé Heróˈde ubaa yuoyle mú eeshey, mú he gaa ˈdeey. Gaal đafar máá kansich hí kakaatká mú kuch gáá bue, mú Bilááto hol ˈdú nie.

Lúka 23:35

Gál ál kinaal ˈgieká mú gaa dhaay. Gál Yuuˈdi gállé hí met ki ˈgie-, úba ál kinaal ˈgieká mú fichile, kieye, Mu gál éíyyo he ririme, aalé káána íín dhúrle hí hol rio, har kín Messíya Waag hí ka eeyyeká kátaka, gaalí yie.

Yuána 18:22

Yíésu héél hodheká, gál ˈBíl Waaˈgiet ˈdeˈdeme-, ál kinaal ˈgieká mú tikiˈd hí innum gíl gaa ˈdoy, kieye, Máá méte suoryoká hatallo ˈdéé af ki nanniyya? yie.

Yuána 18:28

Aalé bar fuadheká gaal Yíésu Kayáfas álle gaa eedhdhe, mú máá Rooma kansichká ˈbíllé kansimoká eey. Gál guguđo-, Yuuˈdi-, gáál hol ˈgieká hé ˈbíl kansimo kinaallá náble geer ma híliny. Gaal ál kinaal hílinyka, saasso he kaadhdhe, hé ˈjila gólólle ma kokôny.

Yuána 18:30

Gaal kieye, Mu onnônyka he ma ˈdeenenyka nyáá nyí ko ma ˈdu gáá egêny, yie.

Yuána 18:32

Hééllá hatallá ˈdíéllá, he ˈdaa giri Yíésu kúfáchlé yaalmitle kis huogodheká ˈduuwawká.

Yuána 18:35

Aalé Bilááto kieye, Yú he máá Yuuˈdi? Kuun gál kua Yuuˈdiká ubaa gál guguđo-, suoryoká ko ye ˈdu gáá eey. Meete ˈdeeneyche? muí Yíésu yie.

He Ekeny Gál Alb Fimiká 2:23

Máállá Waag hí gíl geer gáá kaayyééllá, he hát giri kis Waag hí tawuyye-, hí gaa feˈdeká in gál nyatalaam maamanká hí mú yiir kí chiˈde, mú hí ˈgór đarám yaalká ˈdú chies.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.