Lúka 18:13 - Fayam Midhab Yiesu Kiristoká He Hol Af Iđiny Kaanaká

¹³ Aalé máá giri gibíre gugusatká íín tagéétí ki ˈdie, mé les ki ˈdoy, hé úba mé les ma gaa éeny, úr ma ki fuˈjîny. Mu hol ˈdeente, kieye, Waag, yáá ađááb ˈgúóllá, geer hí ko ye ˈdú guat, yie, Yíésu hí gáál yie.

Lúka 18:13 ပူးပေါင်းရင်းမြစ်များ

Matááyo 10:3

Fílib ubaa Bartolomáyo, Tómas ubaa Matááyo giri gálaat birm gaa gugusatká, Yákob giri iny Alfaayaká, ubaa Dhádias,

Matááyo 6:5

Af giri hí Waag vivisatoká haí hát gál hol egewallá chéen. Gál kinaallá Waag vivisatká ény ˈdiiyiminyká ubaa ˈjien hursam lođuđaat gaa ˈdeˈdeen-, gálaat hol aargisuoká he fede. Yú hí hé ˈdúwaká geeye, gál hol egewallá hé héllé shiichoká arge.

Matááyo 9:13

Aaléka, sedhíe, Waag ˈdeenylé kieye, Yú itín hí gálaat geer guurá ka ˈgayyaká hí gaa fede, yáá suor hí ma gaa fediny, chieká, hélle eiy naatíe. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, muí gáál yie.

Márko 11:25

Aalé hí ali ki ˈdiiyye-, hí Waag vivisatoká gál hí he ki ˈdeeneyká ˈdú ˈjée, héllé hí ki ˈdeeney kinaal hayyíe. Hát kinaallá in ˈJaa kíchia úr ijoká hé hí ˈdeeneycheká haađia, hí ˈdú ˈjeeme.

Lúka 17:12

Aalé mu he é mé tikiˈd higileká mu gál yááb tomon nyókot ˈgie mare hol met kí ˈdoy. Gaal geđéétí ki ˈdie,

Lúka 22:41

Mu gáál gaa fagandhe, tagéétí ki ˈdie. Mu les kurram ˈdoy, Waag vite, kieye,

Lúka 23:48

Nyésébích hol ˈdu gáá yimie-, héél dhaˈgameká, he yaalmitle argeká, ger hí súm gaa ˈdeenedhe, ˈjienle hol ˈdú nadhe.

Lúka 5:8

Símon giri Bétiro léká héél argeká, Yíésu ˈgas met les gaa ˈdoy, kieye, Máá Guđo, yú he máá hemuumurit Waaˈgiet ˈdeđeneyoká. Yaash, sí, mú yie.

He Ekeny Gál Alb Fimiká 2:37

Gálaat héél maaleká gáál ˈdee hí geer hile, gaal Bétiro ubaa gál Yiesu alb fimiká heete, kieye, Nyaaramkínyo, háte nyí ˈdeenne? gaalí yie.

Róóma 5:8

Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

Korínto ki Naamaká 7:11

Tá bá dhaayyíe, ger gaa ˈdeenen Waag hí ki feˈdééllá, hát hí hé midhabká hí yé ˈdú ˈdeeychééllá, it argiyye? It góf hé tagléká ekemeycheká ˈgayye. It Waag hí ˈdeđenseteká ma fédiny. It hé hurtkícho yé gáá ˈdieká ˈdú idhanne, he il ká argisinyle kiate, ađaab kinaal hí hol yé gaa ˈdeđicheká it úba feˈde, hí ki ˈgađasanne. It máá he ˈdeeney kinaal ˈdéé ki iđiche. It ˈdeenyééllá Waag innumle hát tagléká gaa beesete.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Héberew 4:16

Aaléka, kí Waag karallé kansimo-, álle ke ˈdúˈjím gaa aargiroká hát sierm mantiká ˈdú siet, giri muun ke Waag geer guurá ubaa ˈdúˈjím gaa aargiro-, tá Waag aleđugul giri tagléká muun gáál gíl kí helmichoká.

Héberew 8:12

Gaal héllé ˈdeeđeneyká ha yú haađia, gáál ađaabanolle ubaa nyuogimle hé geđ ye táb ma ká ˈjeeminy, he chie.