Lúka 17:30 - Fayam Midhab Yiesu Kiristoká He Hol Af Iđiny Kaanaká

³⁰ Kúlích Iny Máádhat hí gáá ˈjeen-, hí gálaat hol gaa aargisuoká úba hát bár Nowa ubaa Loot kinaallá hai cheedhe.

Lúka 17:30 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 24:3

Hééllá el ˈdaal, Yíésu Gúm Saano Salabká ˈdú yíéđie mú lalille tákámle mú ˈdú sedhe, mú yiete, kieye, Ebá nyí ka géesh, hééllá lulle bár máre he ali kí ˈdeeme? Tá kuun hol ka naankú ubaa biiy el met ˈdaˈdle bárlé ali kí ˈdeennoká meete yé ká ˈdeeme, nyí ki kiimisata? gaalí yie.

Matááyo 24:37

Yaalmit giri héle bár Nowaká in yáá Iny Máádhátallá ˈjímchú bárle úba hí cheedhe.

Matááyo 24:39

Gaal hát he hí kí hilééllá hé moonnoy, in đo bie ká rue, hí uune. Aaléka yáá Iny Máádhátallá ˈjímchú úba hát kinaallá hai yeedhe.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Márko 13:26

Aaléka, gálaat Iny Máádhat nyáˈdow hát kí yiimetká hai aargira. Mu fargogínt ubaa ˈduuw guđoká hai kí yiimedhe.

Lúka 17:24

Yaalmit ír biirgách hí úr gaa boloon-, úr lulle gaa eedhesichóóllá, kúlích Iny Máádhat úba hát tikiˈde kinaallá ká ˈdeenne.

Lúka 17:29

Kor kúlích giri Lóot hí Sóˈdom gaa kieká, waar ˈjiet hí gaa boloonneká úr gáá tune, gál Sóˈdom gaa ijeká lulle beete.

Lúka 21:22

Hééllá af giri he il ka argisiny-, he lullé gaalí Warˈgat Waaˈgiet gaa veereká ˈduuwawká.

Lúka 21:27

Aaléka, gálaat Iny Máádhat hát nyáˈdow kí yiimetká hai aargira. Mu fargogínt ubaa ˈduuw guđoká hai kí yiimedhe.

Korínto Erká 1:7

Aalé káána ˈdaab Máá kúnnaa Guđo Yiesu Kirísto hol ká naanle hí súm met egetóóllá, it hé shiicho Waaˈgiet tikiˈd úba ma gaa ˈdaabiny.

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Kolosááya 3:4

Af giri rúbách kíchia Kirísto hol ká nannaat-, ˈduuwle ká eedheyyoká in itín úba hí luolmit kíchia biiyóóllá ˈduuwle higilla.

Dhesaloníke ki Naamaká 1:7

Héétí Waag it hí maanyjayyóóllá ubaa nyííni nyí maanyjayyóóllá manyjasiny kúnnaallá yé hai gáál gáá ˈdeđicha. Bár giri hé kinaal ali kí ˈdeenká he bár giri Máá Guđo Yíésu úr yé gáá ˈdeen-, gállé ˈgassiet-, urru-, muí fargogínt shieká hol ká egeetká.

Bétiro Erká 1:13

Aaléka, hol táa, kaskícho tág kodhdhíe. Af giri Yiesu Kirísto ká ˈjeenká mu ˈdúˈjím Waaˈgiet haí ˈdu gáá siidha. ˈDúˈjím hí met egetééllá, hát ˈdabaanká mé ka ˈgáa.

Bétiro Erká 1:7

Hát hórkí ˈjiet hí ˈgeesicheka ˈdúúwáálláka, manyjany kíchiallá iiy yeenkícho hai ˈduuwasicha. Hórkí íín el met haí ˈgiidha, tá iiy yeen kíchia-, hórkí ˈdú ˈdúwáállá íín hé el met hí ma ˈgiˈgin. Tá af giri Yiesu Kirísto hol ká nannaat-, Waag hí ká eedhesichoká itín meeny ubaa ˈdúúw haí aargiˈda.

Bétiro Erká 4:13

Manyjany hát manyjasiny Kiristóóllá ka taalká il hí argiyyeka, taalle ger hí gaa meet, giri mú ˈduuwle ká edhdheyyeka súm ger hí gaa memeet-, hí geyyeenneká.

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Kí Edhesiny 1:7

Bá dhaayyíe, mu nyáˈdow hai kí yiimedhe, il lulle haí aargiˈda, gál mú veereká úba mú hai aargira. Kidh lullé les gaa ijoká mú ˈdaalle ˈdugaka af gaa guđoká hai ki beeme. Iiy-hí, he hí hát kinaallá yeet.