Lúka 17:25 - Fayam Midhab Yiesu Kiristoká He Hol Af Iđiny Kaanaká

²⁵ Tá mu íín gon erkob hai maanyjaa, gál barallóóllá haí điidhma.

Lúka 17:25 ပူးပေါင်းရင်းမြစ်များ

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 21:42

Yíésu gáál geey, kieye, Tá ˈdéé hót Warˈgat Waaˈgiet gaa iđo-, giri kieye, Wár gál é ˈdiˈdisoká hí điidheká hé ˈbíl árle yie. Wár kinaallá Máá kúnnaa Guđo Waago hí hát kinaallá koy. Yaalmit ke il ki argóóllá ebá gáál af gil fafaa! chieká it ma túony?

Márko 10:33

Mu kieye, Bá dhaayyíe, muun Yerúsalemo ke seseme. Ál kinaallá Iny Máádhat gál guguđo-, suoryoká ubaa gál nyatalaamká gíl geer ha gaalí gaa kakaa. Gaal mú kúfach mé hai ki kokoo, tá mú kídh hai ká higita.

Márko 12:10

Ití Warˈgat Waaˈgiet giri kieye, Wár gál é ˈdiˈdisoká hí điidheká hé ˈbíl árle yie.

Márko 8:31

Aalé Yíésu gáál he ká onisie, kieye, Iny Máádhat súmo gaalí maanyjasia. Gál káruká ubaa gál guguđo-, suoryoká, tá gál nyatalaamká haí điidhma, ha gaalí yeese, tá kúlích ki seđeká uushich yé hai gáá ˈdeeme, yie.

Lúka 18:31

Yíésu gál giri láli-, tomon a naamaká taak eedhdhe, gáál geey, kieye, Bá dhaayyíe, múún Yerúsalemo ke seseme, ˈdeeny Iny Máádhat ˈdaalle ˈdugaka gál Waag hí ˈdéé ka shigicheká hí veereká lulle ál kinaal hai gaa ˈduuwaa.

Lúka 18:33

mú tuuˈd ha gaalí ki tuuna, ha gaalí yeese. Tá kúlích ki seđeká sídhle hollo hí hol ˈdú naata, uushich yé hai gáá ˈdeeme, Yíésu hí gáál yie.

Lúka 24:46

Mu gáál geey, kieye, Warˈgat Waaˈgiet hatallá gaalí gaa veere: Messíya ha gaalí yeese, tá kúlích ki seđeká sídhle hollo hí hol ˈdú naata, uushich yé hai gaa ˈdeeme.

Lúka 9:22

Mu kieye, Iny Máádhat manyjasiny guđoká gon il haí aargiˈda. Gál káruká, ubaa gál guguđo-, suoryoká, tá gállé nyatalaamká haí điidhma, ha gaalí yeese, tá kúlích ki seđeká Waag uushich yé haí gáá ˈdeđicha, Yíésu hí lalille yie.

Yuána 1:11

Mu hé lésle ká yimie, kor mú gálle hé mú điidhe.

Yuána 12:38

Yaalmitééllá ˈdéé hót Waag hí Yisááya ká shiiche-, giri kieye, Máá Guđo, mááya fayamkínyo iiy yie? Mááya gílkú fargogintle eiy naate? chieká, hé ˈduwasiche.