Lúka 17:24 - Fayam Midhab Yiesu Kiristoká He Hol Af Iđiny Kaanaká

²⁴ Yaalmit ír biirgách hí úr gaa boloon-, úr lulle gaa eedhesichóóllá, kúlích Iny Máádhat úba hát tikiˈde kinaallá ká ˈdeenne.

Lúka 17:24 ပူးပေါင်းရင်းမြစ်များ

Matááyo 24:27

Hát ir he ˈdaa baryo gaa birgeka, bololle ˈdaa aadho gaa verenóóllá, yáá Iny Máádhátallá ˈjímchú úba hát tikiˈdééllá hai yeedhe.

Matááyo 24:30

Aalé hé gálaat yáá Iny Máádhátallá ˈjímchú aargisuoká úr ha gaalí gaa aargira. Aaléka, kidh met lullé les gaa ijoká hai beeme. Gaal yáá Iny Máádhátallá hát nyáˈdow kí yiimet-, fargogínt ubaa ˈduuw guđoká kí leledhoká hai aargira.

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Matááyo 5:15

Gálaat hé nyátáá ma bolmosiny, nyátáá he af ma bubuny. Nyátáá urgúaka úrro gaalí ki ređia, in édhúmle gál ˈbíl gaa ijoká lulle hí biiy ki arga.

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Dhesaloníke Erká 5:2

Hát káána máá buraalléká aflé buraa ká iyaanká ke muogallá, in úba kúlích Máá kúnnaa Guđóóllá hí gáá ˈjeˈjeenká ke muog. Hé kinaallá it tág óg.

Dhesaloníke ki Naamaká 2:2

ˈdéé hót kerka Waag yé gáá ˈdiiyyeká yíekaʼ, ˈdéé hót máá mákártaká yé gáá ˈdiiyyeká yíekaʼ, héétí warˈgat kerka nyiin nyí ka veeˈde-, kieye, Máá kúnnaa Guđoká kúlíchlé he hol gáá naatká kisso he ali kí ˈdiiyye, úba chegetoká haí mé guđanâny, hí sierm gaa véériny.

Dhesaloníke ki Naamaká 2:8

In aalíáka máá hemuumurit Waaˈgiet điidhééllá biiy yé gáá ˈdeeme. Tá Máá Guđo Yíésu hímlé af ki nannuoká mú hai ki yeese, Yíésu guchlé he kí ˈjeˈjeenká mú ha ki beđita.

Yákob 5:8

Máá Guđoká ˈjímle hé ká ˈjobondhe. Itín úba hol táa, iiy yeenkícho tág chiˈdíe.

Bétiro ki Naamaká 3:10

Máá kúnnaa Guđoká kúlíchlé gáá ˈjeˈjeenká hát kúlích ki met muog-, máá buraalléká hí gáá ˈjeˈjeenká. Ur hai yaarma, mán hai yeedhe. Les ubaa héllé hí gaa ijoká lulle ˈjiet haí ˈjeenne, ˈjiet af haí ki shugunata.