Lúka 17:13 - Fayam Midhab Yiesu Kiristoká He Hol Af Iđiny Kaanaká

¹³ af gaa guđoká ˈdéé ki huogodhe, kieye, Máá Guđo Yíésu, geer hí ko nyí shâw ˈdú yeet! gaalí yie.

Lúka 17:13 ပူးပေါင်းရင်းမြစ်များ

Matááyo 15:22

Aalé min kídh Kanaan-, lés kinaal gaa iđe mare mú ˈdu gáá chimie, af gaa guđoká ˈdéé ki hote, kieye, Máá Guđo, Iny ˈDawuˈdallo! Geer hí ko ye ˈdú guat, inichú hé tág aryáán hí ˈgaaˈgaate! chie.

Matááyo 9:27

Yíésu ál kinaal gaa kie. Sienylé gaa igireká gál naama-, in maamannay mare hí el gaa veere, gaal kúóˈd ˈdoy, kieye, Iny ˈDawuˈdallo, nyí ˈdú ˈjé! yie.

Márko 9:22

Aryáán af burnayká mú ˈjiet ubaa bie ki laalaanne, giri mú chegeská. Har kín uˈdoka, geer hí ko nyí ˈdú guat, nyí ˈdú ˈjé! yie.

Lúka 17:14

Mu gáál argeká gáál geey, kieye, Sedhíe, gál suoryoká hol argisía, yie. Aalé gaal ˈgíéríchlé gaa igire-, sesemeká đo midhandhe.

Lúka 5:5

Símon mú ˈdéé hol ˈdú nie, kieye, Máá Guđo, nyíín kisare chúúre lullé nyí gaa awuyye, he níínní nyí argiyyeká mán. Aalé kúún hatallá chíéllá, bush ha yú laama, mú yie.