Lúka 17:1 - Fayam Midhab Yiesu Kiristoká He Hol Af Iđiny Kaanaká

¹ Yíésu lalille geey, kieye, Hé gálaat Waag el af gaa tatuoká ali hai kí ˈdeeme, tá máá hé kinaallá hí yé gáá ˈdieká he il haí aargiˈda.

Lúka 17:1 ပူးပေါင်းရင်းမြစ်များ

Matááyo 16:23

Yíésu Bétiro gaa dhaay, kieye, Sátan, ye innum gaa sí! Kuun he mé ilchú. Tawuny ˈgayyóóllá hé tawuny Waaˈgiet muuniny, tawuny gálaat, Yíésú hí mú yie.

Matááyo 18:7

He bá ˈdéen! Les har hé gálaat ađááb higilsuoká hí gaa ijaa! Yaalmisam hatallóóllá gon les yé hai gáá ˈdeeme, tá máá gálaat ađááb higilsúóllá, ebá he hí ki ˈdéen!

Lúka 16:31

Aalé Abirááyam mú geey, kieye, Gaal har hemuumurit Waag hí Móshe ka shiicheká ubaa gál Waag hí ˈdéé ka shigicheká ˈdeemle nee ma konyka, af kinaalka úba káána máádhat uushich yé gaa ˈdeˈdéminy-, hí geđînyka, hé ˈdee hí mé ma ki seeminy, muí mú yie.

Róóma 14:13

Aaléka, kí hol ˈdeensen hayo. Hé kinaal afleka kí hol ˈdéé mé gaa eet, giri nyaaram kúnnaa Kiristóóllá hé mákárta-, hí riigirsuo-, hí ađaabano mé ki kokuoká ke gáál ˈgas met ma gaa iđiminyká.

Róóma 16:17

Nyaaramchú, gillo yú hí ki efe, gál gálaat hol eiy gaa ˈgiˈgidhuo-, hé ˈdaa Kiristoka gaalí oonisieká el ˈgiˈgisat-, hí ˈdaa eiy ki riitisuoká hol ˈdeeˈdeemíe, gaa fagandhíe.

Korínto Erká 10:32

Hé hí ekemeychóóllá hai hé gál Yuuˈdi yíekaʼ, gál Hellen yíekaʼ, héétí gál Kiristo yíekaʼ ídho gaa verennoká onnôny.

Korínto Erká 11:19

Tá hol eiy gaa ˈgisan kíchiallá taglé, giri gál hurtkíchoka iiy yeenle tagano ki ˈgieká gaalí kiimisatká.

Korínto Erká 8:13

Aaléka, so chia yú kokuoká har nyárchú ađááb mé ki kokuoka, yáá af kinaalka geđi so ma kokony. Yáá hé nyaaramchú ađaabano higilsuoká ma ekemeny.

Tímote Erká 4:1

Aalé Hím Naasan Waaˈgiet hé ˈdéé hát ˈdabaanká hogoto, kieye, Bár biiy el ˈdaˈdká gáál ˈbáál iiy yeenlé Kirísto iiy yieká gil sug hai ki haađia, ˈdaa giri gaal aryaan gáál nyiimisatoká ubaa Sátan gállé ˈgassoká he onisinyle el gaa veereká.

Kí Edhesiny 2:14

Tá yú yáá ˈdéé um naama-, hí ˈdú ˈdeenteká ˈguo. Itín hurtkícho hé gál gálaat he onisiny Balam oonisuoká hí gaa ijo. Bálam Bálak yaalmit gál Yisirayel ađaabano mé ki kokuoká onisie. Ađaabano kinaallá he suoryam gaalí waaˈgam hódhoká ki ˈgaˈgaleká kóonylé ubaa herginy gál hol ma shúúnanká hí hol ka ˈgieká.

Kí Edhesiny 2:20

Tá hé yú hí ˈdú ˈdeenteká hééllá: It min Yésebellé-, hol máá Waag hí ˈdeem ká shigichoká hol ka hoychééllá kar shiiche, min he onisiny hódhoká gedechú onisiche, giri gaal herginy gálle hol ma shúúnanká gaa seseen-, gaal suoryam gaalí waaˈgam hódhoká ki ˈgaˈgaloká kokuoká.