Lúka 16:8 - Fayam Midhab Yiesu Kiristoká He Hol Af Iđiny Kaanaká

⁸ Aalé máá giri guđoká máá hí aanyle mé ki yiel-, aany ki aaˈdumeká hinyamlé koy kinaal meey. Gál lesalloká hé ˈdaalim gállé lesalloká hurt ki seseenká ˈguo. Gál édhúm Waaˈgiet gaa ijoká íín hé ˈdaalim hatallo-, gál lesalloká hurt ki seseenká mán.

Lúka 16:8 ပူးပေါင်းရင်းမြစ်များ

Matááyo 12:32

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet ˈdeeny ˈdeewká ki hodhoká, ađaablé he hílééllá hé bííy kaanalloká ubaa bííy biraamiet ka chiimetóótíá Waag hí ma haađiny, Waag mú ˈdéé hai ki iđimicha.

Matááyo 17:26

Bétiro mú ˈdéé hol ˈdú nie, kieye, Gaal gál hí é gerle muuninyká he birm gaa guguta, yie. Yíésu kieye, Har hát kinaal kátaka, gáál helelle hé birm he gugusoká mán.

Lúka 16:10

Máá hé ninniká gáá ˈdúwaká, úba hé hé guđoká gáá ˈdúwa. Tá máá hé ninniká gáá ˈdeewká, úba hé hé guđoká gáá ˈdeew.

Lúka 16:4

Yáá aalé hát ˈdeˈdeenká ye táb ká ˈjiiyye, giri mu ye aanyle gaa arieka, gálaat ye ˈjienle ˈdú egeetká, yie.

Lúka 16:7

Aalé mu máá ki naamaká ká vie, mú yiete, kieye, Kuun mú ewle mia ˈgayya? yie. Aalé máá kinaal kieye, Mú ewlé yú ˈguoká sííndí orgom kúˈd, yie. Máá giri aany mé ki yielká mú geey, kieye, Warˈgat kua ewuetallá éew, hol gaa lab orgom tomon síet tákámle gaa véer, mú yie.

Lúka 18:6

Aalé Máá Guđo Yíésu geđi kieye, Máá arra ˈdeewal in káána hatal yie háluke,

Lúka 20:34

Aalé Yíésu gáál geey, kieye, Gál barallóóllá hollo hol shugunna.

Lúka 20:35

Tá gál Waag hí gál ˈdúwaká ka dhaˈgasannoká bár ˈdaatika af giri gálaat uushim yiem gáá ˈdeˈdeen-, luolmit biiyoká higiloká hé af kinaallá hol ma shugunan,

Yuána 12:36

Édhum hátlé hí hol ˈgayyáállá, édhum iiy yiedhíe, giri hí um edhum chegetoká, Yíésu hí gáál yie. Yíésu ˈdéé beeteká đo gáál mé af ˈgite, ali gaa sedhe.

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Eféso 5:8

Itín kíssóótí bííy gaa dhátká hí gaa iđe, káána ˈdaa giri hí Máá kúnnaa Guđoká hol lileteká it hí mú édhúmle argiyye. Édhúm kinaallá gaa yíéđía.

Filíbi 3:19

Gál kinaallá mé đigle he mé ˈginlé, gáál waagle he gáál gerlé, tá gáál geer gaa meenle hé kern manti-, gaalí ekemeyoká he yé gáá ˈdeˈdeme. Gáál kasle hé lesalloká ˈgar aayaˈgiyya.

Dhesaloníke Erká 5:5

Itín lulkícho hí um edhum ubaa um kulich. Múún hé ke gál bííy gaa ongʼoˈdeká ubaa gál bííy chuureká muuniny.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.