Lúka 16:2 - Fayam Midhab Yiesu Kiristoká He Hol Af Iđiny Kaanaká

² Aalé máá giri kamúrutká máá hí aanyle mé ki koyká ká vie, mú yiete, kieye, Hé yú ko gaa maalééllá meete? Aanychú ˈdaablé gíl ka ˈgayyoká ebá ye ka géesh. Kuun aalé káána ke gaa ijóóllá kó máá aanychú mé ki yaalká muuniny, mú yie.

Lúka 16:2 ပူးပေါင်းရင်းမြစ်များ

Matááyo 12:36

Tá yú hí geeye, kúlích gálaat Waag hí ˈdéé ki iđimichoká máádhat ˈdeenylé éésh mán lulle he huogodheká hélle Waag haí hegesete.

Matááyo 20:8

Aadh he gaanateká, máá lesléká gál hí lésle hujich gaa nannuoká máá hí mé ki yaalká vie, mú geey, kieye, Gál hujich nieká hol ˈdú veʼ, gáál símísle hol ˈdú naʼ. Gáál bíre shigichoká gál giri biiy el ˈdaˈd hujich ka hileká mé gáá kúo, tá ˈjíig gál bur a midhab hujich mé gáá kodhdheká yé ˈdú ˈdé, muí mú yie.

Lúka 12:20

Aalé Waag máá kinaal geeyche, kieye, Kó đeechal! Kúún chúúrééllá sídhkú ha yú egedhdhe. Tá hé hol tág ki koyyéél mááya hí higila? Waag hí mú chie, Yíésu hí gáál yie.

Lúka 12:42

Aalé Máá Guđo Yíésu kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká

Lúka 16:1

Yíésu úba lalille hibéél geey, kieye, Máá kamúrut mare aanyle mú tikiˈd mé ki koy. Máá muí aanyle mé ki koy kinaal, hát he mú aanyle ki aaˈdumeká fayamle gaalí mú ˈdú sidhe.

Lúka 16:3

Aalé máá aany mé ki yiel kinaal tákámle hol yiete, kieye, Háte yú ˈdeeme, máá chia guđo-, aanyle yú mé ki yielká in ye aanyle gaa aruma háluke? Yáá fargogint ˈguo-, les ki gugusoká mán. Roog úba kerno ye ˈgiˈgidhicha.

Róóma 14:12

Aaléka, múún lulkúnno hé kúnnaa mákártaká Waag met ha ke gaa hogodho.

Korínto Erká 1:11

Nyaaramchú, yú hatallá yíéllá, he ˈdaa giri Kilói ˈbíl geerle gáál ˈbáál itín hát hí hol shalal fiiyyééllá fayamle ye shieká.

Korínto Erká 4:2

Aalé gál máádhat hí hujich mé ki reeyká, máállé guđoká hé hí gaa fedoká he giri hújích muí mé ki reeyká hát ˈdabaanká nannuoká.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Tímote Erká 4:14

Af giri karu Kiristo ko gil ˈdú fieká hé shiicho Waaˈgiet ˈdaa ˈdeeny Waag hí gaal íín ká shiicheká ˈdaalle ki argiyyeká ha hâny, eekémesh.

Tímote Erká 5:24

Gáál ˈdáá tikiˈd ađaabanolle hé kaany mán, kúlích ˈdéé ki iđinyká hátlé ali ma kí ˈdíinyká hé gálaat hí óg. Tá gáál ˈbáál íín ađaabanolle erenyo he gaa iđa, kúlích ˈdéé ki iđiny kinaallá yé hai ká ˈdeenne.

Bétiro Erká 4:10

Máádhat hé shiicho-, Hím Naasan Waaˈgiet gaa argeká hí héllé shiicho kinaallá hújích Waaˈgiet gálaat ki naannuo, hí ˈdúˈjím Waaˈgiet hát ˈdabaanká hát lulle gálaat aargisuo.

Bétiro Erká 4:5

Tá gaal Waag gál luogolká ubaa gál kufeká ˈdéé ki iđimichoká metle héllé eekemeyká hai gaa hogodho.

Kí Edhesiny 20:12

In aalé yú gál ˈduuˈdúwaká ubaa gál aađa-, kis kufe-, kara guchi kinaal met gaa ˈgieká arge. Warˈgasam gaalí af fure. Warˈgat éíy taaka úba gaalí af fure, warˈgat kinaallá he warˈgat luolmitiká. Tá gál kufeká héllé eekemey-, gaalí warˈgasam gaa veereká ˈdugaka in Waag hí ˈdéé ki iiđimiche.