Lúka 16:16 - Fayam Midhab Yiesu Kiristoká He Hol Af Iđiny Kaanaká

¹⁶ Hemuumurit Waag hí Móshe ka shiicheká ubaa warˈgasam gál Waag hí ˈdéé ka shigicheká hí veereká ˈdeemle hé gaalí ˈdiiyime, ˈjíig Yuána giri gáál bie gim nannieká bárle đig. Ameeny Yuana kinaallá in Fayam Midhab Guch Waaˈgietká yú gáá ˈdiiyime. Tá Guch Waaˈgiet hé gál burnayká hí ˈdu gáá ruruan.

Lúka 16:16 ပူးပေါင်းရင်းမြစ်များ

Matááyo 10:7

Tá hí hol gaa seseennoká gálaat ki ˈdiiyimíe, Guch Waaˈgiet hé ká ˈjobonte, yiedhíe.

Matááyo 15:11

He hé níínní máádhat a geer higilo-, máádhat ˈdeđeneyoká mán, hé máádhat ageer yé gáá ˈdeˈdeenká in tákáma máádhat ˈdeđeneye, Yíésu hí yie.

Matááyo 21:32

Yuána ka yimieká ˈgíérích ˈdúwa-, hí nannaatoká hí geđie, kor itín it mú af iiy ma chéen, gál bábaská ubaa gál gálaat birm gaa gugusatká in hí af iiy yie. Hé kinaal úba hí argiyyeká, it kaskícho hol ma gaa lâny, hí mú af iiy ma chéen, Yíésu hí gáál yie.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 4:17

Ameeny kinaallá in Yíésu ˈdiiyiminyle mé gáá kodhdhe, gálaat geey, kieye, Hé ˈdeđew-, hí gaa seseenneká hayyíe, Waag makan famíe, Guch Waaˈgiet hé ká ˈjobonte, yie.

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Márko 1:14

Aalé Yuána gaalí hiigidheká Yíésu lés Galilaaya sedhe. Fayam Midhab-, Waaˈgietká gáál ki ˈdiiyime, kieye,

Márko 1:45

Máá giriká yíé ˈdieká hé shab ma yéen, đo ˈdeeny guđoká huogodhe, fayám biiy bash ki hoy. Aalé Yíésu fayam kinaal hí ˈjien síé riate. Aalé Yíésu alb giri gálaat mánká gaa yíéđie, gál tolloká lulle mú ˈdú sedhe.

Lúka 10:11

Shere lés kíchia nyí ˈgas chiˈdééllá ˈgas ha nyí gaa ˈdooto, hí il gíl gaa helitkícho yeet. Tá onnóo, Guch Waaˈgiet hé ka ˈjobonte, yiedhíe.

Lúka 10:9

Gál basham ˈguo-, ál kinaal gaa ijoká bisía, gálaat geeyyíe, Guch Waaˈgiet hé hí kí ˈjobonte, yiedhíe.

Lúka 16:29

Aalé Abirááyam mú ˈdéé hol ˈdú nie, kieye, Gaal hé hemuumurit Waag hí Móshe ka shiicheká ubaa warˈgasam gál Waag hí ˈdéé ka shigicheká hí veereká ˈguo. Gaal hí ˈdeem kinaallá nee kuo, mú yie.

Lúka 16:31

Aalé Abirááyam mú geey, kieye, Gaal har hemuumurit Waag hí Móshe ka shiicheká ubaa gál Waag hí ˈdéé ka shigicheká ˈdeemle nee ma konyka, af kinaalka úba káána máádhat uushich yé gaa ˈdeˈdéminy-, hí geđînyka, hé ˈdee hí mé ma ki seeminy, muí mú yie.

Lúka 9:2

Aalé mu gáál alb fie, giri gaal seseen-, fayam Guch Waaˈgiet hogodho-, tá gál basham ˈguoká bibisuoká.

Yuána 1:45

Aalé Fílib Nadhániel ˈdú sedhe, mú geey, kieye, Máá héle Móshe hí warˈgasam hemuumurit Waaˈgiet gaa veere-, gál Waag hí ˈdeem ka shigicheká úba hí ˈdeenyle warˈgasam gaa veereká nyáá nyí argiyye. Máá kinaallá he Yíésu Nasaret-, iny Yuosefká, yie.

Yuána 11:48

Múún ki máállá hélle hol ma hegesenka, gálaat lulle mú iiy hai yeedhe. Gál Rooma hai ká ruuma, ál kúnnaa ki Waag gaa vivisatká ubaa gábárích kúnnaallá hai gáál gaa ugunma, gaalí hol yie.

Yuána 12:19

Aalé gál Farisaay nyésébích mú agim nadhéél argeká hol geey, kieye, Bá dhaayyíe, múún gon hé ki hát mán. Ebá gálaat lulle hát he mú ˈdú ˈdoˈdodhdheká dhaayyíe! hol yie.

Yuána 5:4

Naˈbualééllá máá ˈgasso-, urru-, Waaˈgietká aadh ka yimetká đo đaam haí gaa made. Máá erkob naˈbúál ki leedhoká đo hai midhandhe.]

He Ekeny Gál Alb Fimiká 3:18

Hééllá hát Waag hí gállé héle ˈdeem ka shigicheká kíssóótí geeyche-, giri Messíyalle maanyjawká in ˈduway.