Lúka 16:15 - Fayam Midhab Yiesu Kiristoká He Hol Af Iđiny Kaanaká

¹⁵ Aaléka Yíésu gáál geey, kieye, Itín innum gálaato hí gál ˈdúwaká hol gaa hođicha, tá Waag íín hé hé ger geđi kíchiaká óg. Tá hé gálaat hí hé súm ˈdúwaká ka dhaˈgasanká, íín hé Waag hí néb.

Lúka 16:15 ပူးပေါင်းရင်းမြစ်များ

Matááyo 23:5

Gaal íín héllé lulle ˈdabaan he ekemesetká gálaat hol aargisuoká he fede. Gaal saaw ˈdéé hót Waaˈgiet ˈgayyo-, he met bala ki higisatká ebá guguđáan! Héétí halum gáál đafaraamle ki ˈgiiyyoká ebá ˈdeˈdíer!

Matááyo 6:16

Aalé hí af higisata-, hí Waag visan mé verenneká haí hát gál hol egew-, hol af gaa guogosuo-, hát af hiteká gálaat aargisúóllá haí ˈdíiny. Yú hí hé ˈdúwaká geeye, gál hol egewallá hé héllé shiichoká arge.

Matááyo 6:2

Aaléka, kúún har gál he hí ki ˈgierˈgereká he shigichoka, ha faˈd af gaa kóon, ˈdiyíminy. Ha hát gál hol egew-, ény ˈdiiyiminyká ubaa ˈjien hursam gálaat he gaa shiguo-, gálaat hí memeyoká fedóóllá chéen. Yú hí hé ˈdúwaká geeye, gál hol egew-, hatallóóllá héllé shiichoká hé lésallá gaa argééllá tákáma.

Matááyo 6:5

Af giri hí Waag vivisatoká haí hát gál hol egewallá chéen. Gál kinaallá Waag vivisatká ény ˈdiiyiminyká ubaa ˈjien hursam lođuđaat gaa ˈdeˈdeen-, gálaat hol aargisuoká he fede. Yú hí hé ˈdúwaká geeye, gál hol egewallá hé héllé shiichoká arge.

Lúka 10:29

Tá máá giriká ˈdaa giri ˈduuwle gálaat aargisuoká fedoká, Yíésu heete, kieye, Máá olchú mááya? yie.

Lúka 11:39

Aalé Máá Guđo Yíésu máá giri Farisaayká geey, kieye, It Farisaayallá, itín makal ubaa ˈdaate hí ˈdug gáá ˈjiˈjiyya, tá gerkícho he hol ki fedít ubaa tawuny ˈdeđewká hí koch.

Lúka 18:11

Máá giri Farisaayká les gaa kie, Waag vite, kieye, Waag, yáá ko meey, yú yáá hát gálatíá lulle muuniny, gálle gálaat gaa buruan-, hé ˈdeđewká ekemeyo-, tá hol buruanallá. Yáá úba hát máá gibíre gugusatallá muuniny.

Lúka 18:14

Aaléka Yíésu geđi gáál geey, kieye, Yú hí geeye, hé máá Farisaayatíá muuniny, máá gibíre gugusatallá ííni ˈdúˈjím Waaˈgiet ki gale. Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Lúka 18:21

Aalé máá giriká kieye, Hé kinaallá af giri yú máá nyigeeny onnoyká lulle yáá ki yiel, ˈjíig káána úba đig, yie.

Lúka 18:9

Yíésu gál ˈbaal hol gál ˈduuˈdúwa-, saas mánká ka dhaˈgasan-, gálaat eesheyo mare hibéél geey, kieye,

Lúka 20:20

Aalé gaal Yíésu ˈdeey, mú gáál ki koy. Gál gaalí mú ki koy kinaal hol gál hé konf ka ˈguo mánká hol hoy, giri gaal mú ˈdéé af ki raraat-, mú máá mangis ál kinaal mé ki yielká gíl geer gaa kakawká.

Lúka 20:47

halúg gálle ˈdeg híyeská tagano ki ˈdeˈdeen-, hol gál ˈduuˈdúwaká hođuo-, Waag visan hí met ˈdeˈdierallá! Gál yaalmit kinaallá gaa seseenká bár ˈdaatika súmo he il hí aargiˈda, Yíésu hí lalille yie.

Yuána 2:25

Mu ˈdaa giri hé gaalí ger ka ˈguoká ógká, hé máá éíy taaka hegete-, hí ˈdeeny máádhat geđieká mán.

Yuána 21:17

Yíésu gíl ki seđeká geđi mú yiete, kieye, Símon, iny Yuana, kuun kín kó ye giel? yie. Bétiro ˈdaa giri Yíésu hí a seđ ki yiete-, Kó ye giel? muí yieká, đo geer hí gaa ˈdeenedhe, kieye, Máá Guđo, kuun kó he lulle óg, hát yú ko gielká kó óg, yie. Yíésu kieye, Walachú ˈdeeˈdémo, mú yie.

He Ekeny Gál Alb Fimiká 1:18

ˈDeeny Hím Naasan Waaˈgiet hí ˈDáwuˈd a geer gaa kaayye-, gaalí warˈgat Arramká gaa veereká hatallá he chie: Mú egemle gaalí hayo, ha máádhat hí el meenyle hóson, warˈgát hí chie, Bétiro hí yie. (Hé kinaallá hé ˈduway, af giri Yúúˈdas birellé ˈgíérích ađaabiet ki argeká les hidhdhe-, ál kinaal mu úr gáá ˈjie-, le ˈdoy-, geer hí eiy fuadhe-, nyimereem lulle hí gáá leedheká. Héétí gál Yerusalem lulle úba hí maaleká, gaal ál kinaal meeny he shieká Hakelˈdáma. Hakelˈdáma gáál afleka hélle kieye, Ál fasiet.) Aalé Bétiro geđi kieye, ˈDeeny ˈDáwuˈd warˈgat Arramká hí hoteká úba kieye, Máá eiy hé mú álle eet, he chie.

He Ekeny Gál Alb Fimiká 1:24

Aalé gaal Waag vite, kieye, Máá Guđo, kúúni gálaat lulle gerle og. Gál naamáállá máá feˈdoká nyí ka argísish.

He Ekeny Gál Alb Fimiká 15:8

Waag ííni ger gálaat ógallá, hát he kidh iiy chieká hé gáál ká argisiche. Hát giri mu Hím Naasanle muun muí gáál ka shieká in úba muí kidh shie.

Róóma 3:20

Aaléka, hé máá níínní innum Waaˈgietka hemuumurít ki yaalitle ˈdaalleka Waag hí máá ˈdúwaká chegetoká mán. Hemuumurít gálaato hát saas ˈguoká he gáál ká aargisicha.

Róóma 8:27

Waag ííni hé gerkúnno ógallá hé Hím Naasanle kasle óg. Waag Hím Naasanlééllá hát Waag hí feˈdoká in gál Waaˈgiet Waag ki vivisata.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Bétiro Erká 3:4

Verekícho hí vere hí hodhinaam ká ˈgayyaká onnoyyo, úba hí vere hugumiet ma ˈdeđenen-, abuniyyo-, sáaká onnoyyo. Vere hat kinaallóóllá innum Waaˈgietka hé ˈdúwa.

Bétiro Erká 5:5

Tá it rúórééllo, itín úba karukícho met gaa keekemíe. ˈDaa giri Waag gál hol gál ˈdúwaká ka dhaˈgasanká điđidhan-, tá gál hol ˈdúúw ririanká ˈdú ˈjeˈjeenallá, itín lulkícho, haí hol ˈdúúw ˈdeˈdéminy.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.