Lúka 16:13 - Fayam Midhab Yiesu Kiristoká He Hol Af Iđiny Kaanaká

¹³ Gedech hé gáál naam hí ma liileen, ˈdaa giri kálmaréél mú tikiˈd neebeet-, máátí geelneetká, muuninyka, mú tikiˈd giel-, máátí eesheyoká. Itín it ˈgas eiy ma kokony, Waag gedelle ubaa kamúr gedelle ma chegen, Yíésu hí gáál yie.

Lúka 16:13 ပူးပေါင်းရင်းမြစ်များ

Matááyo 4:10

Yíésu đo Sátan geey, kieye, Sátan, ye innum gaa sí, Warˈgat Waaˈgiet hé hoteká kieye, Máá kua Guđo Waag tákámle viivíso, met gaa keekémo, he chie, Yíésu hí Sátan yie.

Matááyo 6:24

Gedech hé gáál naam hí ma liileen, ˈdaa giri kálmaréél mú tikiˈd neebeet-, máátí geelneetká, muuninyka, mú tikiˈd giel-, máátí eesheyoká. Itín it ˈgas eiy ma kokony, Waag gedelle ubaa kamúr gedelle ma chegen.

Lúka 11:23

Máá ye ma ˈdú iifinyká hé mááchú muuniny, mé illó ye gaa yaalla. Héétí máá ye ˈdína ma kí ˈdeˈdeminy-, ye walachú ma ˈdu gáá egenyká, he máá walachú baađisuoká.

Lúka 14:26

Máádhat ye ˈdu gáá yimet-, kor íín ˈjaalle, ˈjielle, minle, umle, nyaaramlé yaabká ubaa ˈdietká, tá sídhle dhúrle biiy met kuo-, yú ye biiy el kí maduoká, máá kinaallá hé máá lalichú ma yegen.

Lúka 16:12

Har itín hí aany máá eiy hí tág ma ki ˈgiinyka, aany hí mé ki liiletká mááya hí shigia?

Lúka 16:9

Yú hí geeye, kamur lesallóóllá sheel ki muráa, kamurééllá el me hí ˈgidhe-, sheel kinaallá hí hol úratí gaa argiyyeka, sheel ger haí gaa meedhe, lokoˈd haí kí goolo.

Lúka 9:50

Yíésu mú geey, kieye, Haí mú hé kinaallá ka rían. Máá ˈdeenykícho ma điinká he máákícho, yie.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.