Lúka 15:6 - Fayam Midhab Yiesu Kiristoká He Hol Af Iđiny Kaanaká

⁶ Mu é kí ˈjieka, mu sheelle ubaa olle hollo hol ˈdú veeme, gáál hai geđia, kieye, Ka yimedhíe, kí hol ˈgar aaˈduan, yáá wálách chia bađayká shuunne! hai gáál yeedhe.

Lúka 15:6 ပူးပေါင်းရင်းမြစ်များ

Lúka 1:58

Mú olle ubaa mú gálle fayám maale-, fayam kieye, Máá Guđo Waag hé tág Elísabet ˈdú ˈjie, gaalí yieká, gaal mú hol ˈgar geyie.

Lúka 15:10

Yú hí geeye, hát tikiˈdééllá máá hé ˈdeđewká gaa seseenká héllé ˈdeđewká hay-, Waag makan ˈjieka, in Waag gálle ˈgasso-, urruká ger hí gaa meedhe, Yíésu hí gáál yie.

Lúka 15:24

Iny chiallá érléká hai kufe, yú yie, káána lúol! Hai bađayyo, yú yie, káána hé yé ká ˈdie! íny ˈjaalle hí gedelle yie. Aalé gaal lulle aaˈdume.

Lúka 15:5

Máá kinaallá walach shuunneka, geer haí gaa meedhe, walach ˈgáár hai kí egedhdhe.

Lúka 15:7

Hát tikiˈdééllá yú hí geeye, mú tikiˈd héllé ˈdeđewká hay-, Waag makan ˈjieká Waag gállé ˈgasso-, urruká súmo ger hí gaa meedhe. Gál tomon saal a saal hol gál saas mánká hol ka dhaˈgasanká hé Waag gállé ˈgasso-, urruká geer ma gaa memesiny, Yíésu hí gáál yie.

Yuána 15:14

Hé yú hí ki mureká ˈgíéríchle hí naateka, itín hí sheelchú.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

He Ekeny Gál Alb Fimiká 11:23

Aalé Barnábas ali ki ˈjie-, Waag gielmitle argeká geer hí gaa meedhe, mu gáál lulle guofsie, giri gaal kasle Máá Guđoká gaa iđimuo-, mú el af ma gaa taaminyká.

He Ekeny Gál Alb Fimiká 15:3

Aalé gál Kiristo gáál ali fie. Gaal ˈgíéríchlé gaa igire-, lés Foinike ubaa lés Samaria gaa nanadheká, gaal gál Kiristo les kinaalloká kidh hát Yíésu bala ˈdú nieká gáál geey. Fayaméél gál nyaaram kinaal lulle ger gaa meemesiche.

Filíbi 1:4

Waag visan chia lulle yú hí lulkícho kí vivisatká aadh lúl geer gaa meenno gaa iđa.

Filíbi 2:17

Hújích yú nie-, yú hí Fayam Midhaballá ˈdú gáá sidhe-, fayám hí iiy chíéllá, hé kinaallá he hé shiicho muun ki Waag shieká. Har káána úba gaal ye yies-, fáschú úba hé shiicho kinaallá hollo hol ˈdú faama, yú ubaa itín ger ˈgarro gáál hol ˈgar meedhe.

Filíbi 4:1

Aaléka sheelchú, hé kinaallá he hát hí Máá Guđoká hol chiiratká. Nyaaram chia yú giel-, yú fiiríéllo, itín he geer gaa meenchú ubaa hújích yú nieká héllé yú gaa argeká.

Dhesaloníke Erká 2:19

Itín it tág hé nyí met egeteká ubaa geer gaa meen hí nyí shigiche. Hé kínyaa af giri Máá kúnnaa Guđo Yíésu ka ˈjieka nyí mú metle ˈdúúw ki aargiˈdoká he máre? Hé kinaal hé itín muunîny?

Bétiro Erká 2:10

Itín érléká it é méé muuniny, kor káána it Waag é meenyle chie. Waag hé érléká hí geer guurá ma aargisîny, kor káána hé hí geer guurá argisiche.

Bétiro Erká 2:25

Itín érléká hát hí wala eiy bađayká, kor káána it Máá sidhamkícho ˈdeˈdeen-, sidham in gaa yaalká hol ˈdu gáá naate.