Lúka 15:2 - Fayam Midhab Yiesu Kiristoká He Hol Af Iđiny Kaanaká

² Aalé gál Farisaayká ubaa gál nyatalaamká yiirsam fadhdhe, kieye, Máállá gál ađaabano ˈguoká hol ˈdoy, hol ˈgar golmoto, yie.

Lúka 15:2 ပူးပေါင်းရင်းမြစ်များ

Matááyo 11:19

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká gálaat hé hol geđuoká kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! he ye yegedhe. Tá ˈdaalim Waaˈgiet hát ke kiimisatká he hé midhab ˈdaalim kinaal hújíchle yé gáá ˈdeˈdeenká, Yíésu hí gáál yie.

Matááyo 9:11

Gál Farisaay héél argeká lali Yiesu heete, kieye, Máá kíchia hí he oonisuoká in háte he ˈdie? Máá gál gusachiet ubaa gál ađaabano ˈguo-, ke hol af ma gaa kokonyká hol af gaa kokúol! yie.

Lúka 15:3

Aalé Yíésu gáál hát hibietká geey, kieye,

Lúka 19:7

Gálaat lulle héél argeká yiirsam fadhdhe, kieye, Mu hé máá ađááb ˈguoká ˈbílle sedhe, mú máállé dheeˈgo yie, gaalí yie.

Lúka 5:30

Gál Farisaayká ubaa gál nyatalaamká ˈdéé him ki huogodhe, lali Yiesu ki lole, kieye, Háteka itín hí gál gibíre gugusatká ubaa gál ađaabano ˈguoká hí hol ˈgar golmosoto-, ubaa hí he hol ˈgar igianáal? gaalí yie.

Lúka 7:34

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká, itín hí kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! hí ye chegedhe.

Lúka 7:39

Máá giri Farisaay-, Yíésu kiereká héél argeká geerle ki tawue, kieye, Máállá máá Waag hí ˈdéé ka shigichoká onnônyka, hé minnééllá yaalmitlé he taal-, máálle ađááb ˈgúóllá hé óg, yie.

He Ekeny Gál Alb Fimiká 11:3

gaal kieye, Háteka gál ma hermisanká ényle siete-, hí hol af gaa konyéel? gaalí mú yie.

Galátia 2:12

Hééllá he ˈdaa giri mu erkob hátle gál Yákob bííyle ma gáá fáminyká gál gál Yuuˈdi muuninyká hol ˈgar golmote-, tá gál kinaal ka fameká mu gál gál Yuuˈdi muuninyká gaa ˈgiteká. Mu gáál gaa ˈgitééllá, gál gálaat hermisan mé ki tatuo-, ka fame kinaallá hí ˈdeem verenoká he kikiadhe.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.