Lúka 14:23 - Fayam Midhab Yiesu Kiristoká He Hol Af Iđiny Kaanaká

²³ Máá giri guđoká geđi gédéchle geey, kieye, Sí, ˈjien yé gaa ˈdé, ˈgierim ubaa ˈgierim aˈdinam gaa seesémo, gálaat hol ˈdú gáá shúun, gálaat hí hol ˈdu gáá yimet, ˈbil hí koch yeet, mú yie.

Lúka 14:23 ပူးပေါင်းရင်းမြစ်များ

Matááyo 21:43

Aaléka, yú hí geeye, itín Guch Waaˈgiet haí gaa ˈgiisata, Waag Guchle gál saano ˈdúwaká hí yé gáá ˈdeˈdeenká haí liiledhe.

Matááyo 5:41

Máá yuoyóká har ko ˈdéé ˈdú moy-, ko geey-, Ye shókódíchallá ˈgar éew, yieka, mú shokodich ˈgar éew, ál muí ko ˈdú moyká a naam af yíé ˈdé.

Lúka 14:22

Aalé máá giri gedechká geđi hol nadheká, máállé guđoká geey, kieye, Máá guđo, hé ye geeycheká yáá mé đig yie, kor ˈbil hátle kar ˈgaa, yie.

Lúka 14:24

Aaléka, yú hí geeye, ameeny gál yú kiere-, điidheká hé máá níínní gólólchú gaa yíéđianká mán, Yíésu hí gáál yie.

Lúka 24:29

Gál mú hol ˈgieká mú af ki mote, kieye, Aadh hé gaanate, biiy hé ká chuurayye, ényallá ál nyí ˈdú gagalaká kí ˈdú galo, gaalí mú yie. Aalé mu gáál hol eedhdhe, é ˈdú gale.

He Ekeny Gál Alb Fimiká 16:15

Aalé min ubaa gál ˈbíl geerle gaalí bie gim nieká, min nyí gil ki efiyye, kieye, Har hí ye máá Máá Guđoká iiy yieká ká dhaycheka, ka yimedhíe, ˈbílchú gaa yíéđía, chie. Min nyí súm gil ki efiyye, nyí ˈbílle ˈdú eete.

He Ekeny Gál Alb Fimiká 18:6

Aalé gál Yuuˈdi mú ˈdeenyle điidhe-, mú chaachareká Báulo đo đafaraamle hurgufe, kieye, Ađaabkícho itle hí ki yíéđía, yú yáá konf hé ka ˈguoká mán. Yú aaléka káána ke gaa ijóóllá kidhdho bala ˈdú nannaa, yie.

He Ekeny Gál Alb Fimiká 28:28

Báulo geđi gáál geey, kieye, Aaléka, onnóo! Waag hé fayam rubachietallá kidh ali ˈdú kaayye. Kidh kinaallá fayám nee hai kokoo, muí gáál yie.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Korínto ki Naamaká 5:11

Nyiin ˈdaa giri nyí kian Máá kúnnaa Guđóóllá ka ˈgayyaká in nyí gálaat af ˈdú nannasata, giri gaal mú iiy yegetká. Waag hé gerkínyo hélle alulle óg, itín úba onnônyká hát tikiˈdééllá hí nyí ógká yú fede.

Korínto ki Naamaká 5:20

Aaléka, nyiin nyí Kirísto gállé nannoká. Nyiin nyí gálaat fayam Kiristo ki ˈdiyeennoká he hát Waag íín gálaat gil ki egefiyyo. Gáál gillo nyí ki egefiyya, in nyí geđicha, ˈDaa Kiristoka Waag hol hiláa, nyí gáál chegedhe.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:28

Aaléka, nyáá nyí fayam Kiristo gálaat lulle ki ˈdiyeenne. ˈDaalim kínyaa lúl nyí ˈgayyaká nyáá nyí gálaat af ki tatiyya, nyí gáál ki oonisicha, giri gáál lulle nyí Waag metle egeyyo-, gaal Kirísto ki higirawká.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.