Lúka 14:21 - Fayam Midhab Yiesu Kiristoká He Hol Af Iđiny Kaanaká

²¹ Aalé máá giri gedechká hol nadhe, máállé guđoká fayaméél lúl shie. Aalé máá guđo kinaal hát idhoká gédéchle geey, kieye, Káána ˈjóballá keʼ, ˈgierim ubaa é totom gaa sí, gál he maamanká, gál ˈgas ˈdeđewká, gál alb hí gáá okoˈdeká, héétí gál in maamanká úba ka éew, mú yie.

Lúka 14:21 ပူးပေါင်းရင်းမြစ်များ

Matááyo 11:28

Yíésu gáál geey, kieye, It aayaˈgiyya-, ilsh lesalloká hí chiesallá ye ˈdu gáá yimedhíe, hí héf ˈgidhia.

Matááyo 11:5

Hát gál in maamanká in kaadhdhe-, gál ˈgas maamanká hol gaa seeseme-, gál nyókot ˈgieká fayandhe-, gál nee maamannayká he maale-, gál kufeká geđi loolnodhe-, tá gál he maamanká Fayam Midhabká hí ka hileká mú geeyyíe.

Matááyo 15:12

Aalé gál láliká Yíésu ˈdu gáá yimie, kieye, Gál Farisaay hát ˈdeenykú néballá kó kimisate? gaalí mú yie.

Matááyo 18:31

Aalé gál éíy taaka gédeká mú yaalmitléél argeká, ger hí gaa ˈdeenedhe. Gaal đo máá kansich géde léká ˈdú sedhe, he lullé ˈdeenedhééllá mú geey.

Matááyo 20:7

Gaal mú ˈdéé hol ˈdú nie, kieye, Hujicho máá hí nyí ki veereká man, gaalí mú yie. Mu gál kinaal geey, kieye, Itín úba sedhíe, lés chia saanoká hujich gaa náa, gáál yie.

Lúka 14:13

Gólol tág niiyyeka, gál he maamanká, gál ˈgas ˈdeđewká, gál alb hí gáá okoˈdeká, héétí gál in maamanká úba kíer.

Lúka 14:20

Mú tikiˈd úba kieye, Yú káánallá eedhdhe, yáá ál kí yimetká man, mú yie.

Lúka 14:22

Aalé máá giri gedechká geđi hol nadheká, máállé guđoká geey, kieye, Máá guđo, hé ye geeycheká yáá mé đig yie, kor ˈbil hátle kar ˈgaa, yie.

Lúka 14:24

Aaléka, yú hí geeye, ameeny gál yú kiere-, điidheká hé máá níínní gólólchú gaa yíéđianká mán, Yíésu hí gáál yie.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Lúka 9:10

Aalé Yíésu gállé tomon a naama he alb fieká hol ká nadheká he lullé eekemeyká fayamle mú shie. Yíésu gáál gáál gaa eedhdhe, gaal tákámle ˈdaa ény Beđesaida mé nie.

Yuána 9:39

Aaléka, Yíésu kieye, Yú gálaat ˈdéé eiy ki ními ˈdaalle ˈdugaka in lésallá ká yimie, giri gál in mánká in hí yiem ká ˈdeˈdeen-, gál in ˈguoká in ˈdaˈdaboká, yie.

Héberew 13:17

Gál hí met ki ˈgíéllá he gál sidhamkícho ˈdaalle ˈdugaka hí ˈdeˈdeen-, aadh ˈdaatika hújích lééllá ˈdeenyle Waag met gaa hogodhoká. Gáál met gaa keekemíe, gáál atimle el gaa veerée, giri gaal hújích lééllá nannuo-, gaal ma giinany-, gáál ger hí gaa memeetká. Har itín hí gáál ger gaa ˈdeeneycheka, hé kinaallá hé hí ma ki midhanany.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Kí Edhesiny 19:15

Mú ageerle faaˈd órof-, alléká hí gáá fuoriche, giri kidh mú hol yegeská muí ki beđisatká. Mu gasar síbilká kidh af hai ki tataa. Hát káána gálaat saano vinna ˈdú ˈdiđian-, ˈdúú gaa ˈduˈdúóllá, mu Waag fargogínt lulle ˈgayyoká idhollé guđoká hai kí yiimedhe, gál mú hol ka kídhká ha muí ˈdú ˈdiđima.

Kí Edhesiny 22:17

Aalé Hím Naasan Waaˈgiet ubaa ini Eliny hí egeetká Yíésu geey, kieye, Ka yímet! yie. Héétí máá hééllá maaloká hé úba Yíésu ka yímet yeet. Máá báre hí chees-, bíé luolmitiká fedoká hí ká yimet, hí bie hállééllá ˈjio.