Lúka 13:33 - Fayam Midhab Yiesu Kiristoká He Hol Af Iđiny Kaanaká

³³ Har úba káána hát mákártaká kátaka, yú kúlíchallá ubaa beríka tá burgalia hé chiallá gaa seseme, ˈdaa giri gál Waag hí ˈdéé ka shigicheká máá níínní gaalí Yerúsalem ma ki yíésiny mánká.

Lúka 13:33 ပူးပေါင်းရင်းမြစ်များ

Matááyo 20:18

Bá dhaayyíe, muun Yerúsalemo ke seseme. Ál kinaallá yáá Iny Máádhátallá gál guguđo-, suoryoká ubaa gál gálaat nyatalaam oonisuoká gíl geer ha gaalí ye gaa kakaa, gál kinaallá kúfach hai ye ki muura.

Matááyo 21:11

Nyésébích Yíésu hol ˈgieká ˈbaal kieye, Hééllá máá Waag hí ˈdeem ka shigicho-, Yíésu lé-, máá ény Nasaret-, Galilaayaká, yiegie.

Lúka 9:53

Aalé ˈdaa giri Yíésu Yerúsalem mé nannieká, gál al kinaalloká hé mú mé guđáan ma yéen.

Yuána 11:54

Aalé Yíésu ameeny kinaallá hé úba gál Yuuˈdia hurt đarám ma gaa síen. In đo mu ál kinaal gaa kie, ubaa lalille lés ˈbakat kí ˈjób-, ényle gaalí Eferááyim yeget mare mé nie, ál kinaal gaa yíéđie.

Yuána 11:9

Yíésu kieye, Bííy kulich-, ke hujich gaa nannuoká hé aadh ˈgas hí tomon tikiˈde a naama muunîny? Máá bííy kulichká gaa seseenká hé ma riigiriny, ˈdaa giri mu les édhúmle ki seseenká.

Yuána 12:35

Aalé Yíésu gáál geey, kieye, Edhum rámlé ka ˈgite-, hí hol af iđaká hé iraam ká ˈdabiyye. Édhum hátlé hí hol ˈgayya, bííy gaa dhátká hí el ma ˈdug gáá hílinyallá hol gaa seesemíe. Máá bííy gaa ongʼoˈdeká gaa seseenká hé ál he nannaatká muog.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

Yuána 9:4

Biiy hátlé kulichká taalle Máá ye ali gáá kaayká kí hújíchle naannuo. Chúúré gálaat hí hujich ma gaa nanninyká ali hai kí ˈdeenne.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 13:27

Gál Yerusalem ubaa gállé kaansúoká, Yíésu hát Máá Rubachietká hé ma kimísan. Gaal warˈgasam gál Waag hí ˈdéé ka shigicheká hí veereká ˈdeenyle Kúlích Hef ˈGisanká lullé he nee gaa kokoy, kor hé hélle moonnoy, in đo mú kúfach mure, ˈdéé ˈduwasie.