Lúka 13:11 - Fayam Midhab Yiesu Kiristoká He Hol Af Iđiny Kaanaká

¹¹ Min aryáán hí ˈdeeneyche-, hí warram tomon a síet báásh ki chie mare hé úba ál kinaallá gaa iđe. Min gaa kongʼodnote, hé úba hát leđugul ˈdiiyyoká mán.

Lúka 13:11 ပူးပေါင်းရင်းမြစ်များ

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Márko 9:21

Aalé Yíésu íny ˈjaalle heete, kieye, Hééllá bár máre íny ká hile, tá íny chuoy? yie. Íny ˈjaalle kieye, He íny níínénti ká hile.

Lúka 13:12

Aalé Yíésu min argeká min vie, min geey, kieye, Minnééllo, baash hí ko yé gaa ˈdie, yie.

Lúka 13:16

Tá ini Abiraayam-, Sátan hí warram tomon a síet báásh ˈdú iđichíéllá hé máá hí Kúlích Hef ˈGisannallá gaa biisuoká mân? muí mú yie.

Lúka 21:28

Hééllá er alb kí ˈdeeˈdemeka, le gaa kée, úr ki fuˈjée, rúbáchkícho hé ká ˈjobondhe, Yíésu hí gáál yie.

Lúka 8:2

Gál ˈdíét giri Yíésu hí aryáán yé gaa ˈdeeyká ubaa gál ˈdíét giri muí basham gaa bisieká úba mú hol eedhdhe. ˈDeg kinaallá ˈdáá tikiˈd he mú María giri gaalí min ény Magaˈdala yegie-, Yíésu hí aryaan tiiyaká yé gaa ˈdeeyká,

Lúka 8:27

Yíésu kadich gáá leledheká máá é gáá yimie-, aryáán hí hille mare hol arge. Máá kinaallá hé rám ilishká đafaraam ma gaa fáan, ubaa hé é ma gaa íđiny, mu likisham gaalí gálaat ki ˈgoˈgodheká he gaa ije.

Lúka 8:43

Min fas hí warram tomon tikiˈd tá a naam gaa hegeleká hé nyésébích kinaallá gaa iđe. Min kinaallá héllé ˈgayyeká lullé gilóny ˈdú beesete, kor hé máá níínní hí bisieká mán.

He Ekeny Gál Alb Fimiká 3:2

Máá ameeny ka ˈdalidheká héljo mare gálaat hí úr ki eedhdhe, ˈBíl Waaˈgiet kárlé gaalí Kár Bis hí Midhabká yegie mare gaalí álle iđie. Ál kinaal bar lullé gaalí mú iđimie, giri mu gál ˈBíl Waaˈgiet higiloká rogononká.

He Ekeny Gál Alb Fimiká 4:22

Máá ameeny ka ˈdalidheká héljo onnoy-, giri káána yaalmitéél ki bieká hé warram hí tomon afur a ˈgayye.